Left arrow Mur Lura

STQARRIJA MILL-UFFIĊĊJU TAS-SEGRETARJU PERMANENTI EWLIENI Pass ’il quddiem biex is-Servizz Pubbliku jkollu l-flotta tal-vetturi taħdem bl-elettriku

pr211919
Date Icon 21/10/2021

Is-Servizz Pubbliku llum daħal fi ftehim għal studju komprensiv li se jwassal biex ikollu l-flotta tal-vetturi tiegħu taħdem bl-elettriku. B’din il-bidla ssir it-tranżizzjoni minn vetturi li jużaw fuels li jniġġsu għal dawk li jaħdmu b’enerġija rinnovabbli nadifa. 

Waqt konferenza tal-aħbarijiet li saret fil-Garaxx tal-Gvern, is-Segretarju Permanenti Ewlieni Mario Cutajar qal li din hi bidla strateġika li mhux se tieqaf mal-bdil tal-vetturi. Qal li fil-preżent is-Servizz Pubbliku għandu 866 vettura, li 7% minnhom jaħdmu bl-elettriku. Sostna li dan l-istudju se jara kif b’sistema ġdida sostenibbli tiżdied ukoll l-effiċjenza. 

“L-istudju se jħares lejn il-flotta eżistenti u l-użu attwali u jipproponi soluzzjonijiet u jintroduċi kunċetti ġodda, bħal carpooling bejn dipartimenti u ministeri. Il-qalba tal-vetturi se tkun biss il-qafas; irid ikun hemm elementi oħra fosthom taħriġ speċjalizzat u l-infrastruttura meħtieġa biex din il-bidla tkun suċċess, għalhekk dan l-istudju se jservi ta’ bażi importanti,” qal is-Segretarju Permanenti Ewlieni. 

Is-Sur Cutajar żied jgħid li b’din il-bidla s-Servizz Pubbliku qed ikompli jagħti s-sehem ambjentali tiegħu lis-soċjetà. Semma inizjattivi oħra tas-Servizz Pubbliku bħal remote working u l-introduzzjoni ta’ one-stop-shops li naqqsu l-carbon footprint, kif ukoll kunċetti ġodda bħal less paper office. 

Il-konferenza ġiet indirizzata wkoll mis-Segretarju Permanenti Anthony Gatt, li qal kif dan l-istudju se jiġi konkluż fi żmien sitt xhur.

L-iffirmar tal-ftehim tal-lum huwa pass li se jikkonsolida lis-Servizz Pubbliku bħala mexxej li se jwassal għal titjib fl-ambjent, fejn is-soluzzjonijiet li jaddatta għalih jindirizzaw ukoll il-ħtiġijiet usa’ tas-soċjetà. 

STQARRIJA MILL-UFFIĊĊJU TAS-SEGRETARJU PERMANENTI EWLIENI Pass ’il quddiem biex is-Servizz Pubbliku jkollu l-flotta tal-vetturi taħdem bl-elettriku
STQARRIJA MILL-UFFIĊĊJU TAS-SEGRETARJU PERMANENTI EWLIENI Pass ’il quddiem biex is-Servizz Pubbliku jkollu l-flotta tal-vetturi taħdem bl-elettriku
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow