Left arrow Mur Lura

STQARRIJA MILL-MINISTERU GĦALL-EKONOMIJA U L-INDUSTRIJA Il-kumpanija tal-iGaming PressEnter tagħżel lil Malta bħala l-kwartieri ġenerali tagħha minn fost pajjiżi oħra Ewropej u se toħloq 150 impjieg ġdid

pr211902
Date Icon 18/10/2021

Il-Ministru għall-Ekonomija u l-Industrija Silvio Schembri ħabbar kif il-kumpanija tal-iGaming PressEnter għażlet lil Malta bħala l-kwartieri ġenerali tagħha minn fost pajjiżi oħra Ewropej.

“Bit-tħabbira tal-pjanijiet ta’ espansjoni u l-kwartieri ġenerali ġodda fuq sitt sulari fil-qalba ta’ Tas-Sliema, PressEnter hija xhieda tal-fiduċja li din l-industrija għandha fil-politika tal-gvern. Din il-kumpanija kabbret l-ammont ta’ ħaddiema b’erba’ darbiet matul l-aħħar sena, u se tkompli tkabbar l-ammont għal madwar 250, jiġifieri ħolqien ta’ 150 impjieg ġdid,” qal il-Ministru Schembri. 

Il-Ministru Schembri nnota kif 25% tal-ħaddiema huma Maltin. “Dan jinkoraġġixxi lilna sabiex, bħala gvern, inkomplu ninvestu fl-edukazzjoni sabiex nassiguraw li Malta tkabbar it-talent tagħha f’dan is-settur. Min-naħa tagħna bħala gvern, għaddejja ħidma u ninsabu fil-proċess li nattiraw venture capital funds biex isir investiment speċifiku fil-qasam ta’ video game development. Barra minn dan, impenjati biex inkomplu nsaħħu t-talent li għandna, tant li fil-jiem li ġejjin se jkun iffirmat ftehim ma’ UNITY, sabiex ikunu mħarrġa għalliema biex dawn ikunu jistgħu jgħallmu l-lingwa f’dan il-qasam,” qal il-Ministru Schembri.

Min-naħa tiegħu, il-Kap Eżekuttiv tal-kumpanija PressEnter is-Sur Lahcene qal li meta kienu qed ifittxu fejn se jkomplu jkabbru l-operat tagħhom, ħarsithom waqgħet fuq bosta ġurisdizzjonijiet fl-Ewropa, iżda minnufih kien deċiż li jespandu f’Malta. 

“Fattur ewlieni huwa li Malta toffri l-aqwa talent imfittex f’din l-industrija, kif ukoll l-appoġġ li jeħtieġ dan is-settur, inkluż ir-relazzjoni tajba bejn ir-regolatur, il-Malta Gaming Authority u Gaming Malta,” qal is-Sur Lahcene. 

Dwar il-greylisting, is-Sur Lahcene stqarr li minkejja dan Malta tibqa’ l-aħjar għażla għal bosta kumpaniji fis-settur. Dwar dan is-suġġett, kemm il-Ministru Schembri kif ukoll is-Sur Lahcene nnutaw l-impenn taż-żewġ naħat sabiex kull min hu involut jiġbed l-istess ħabel sabiex Malta toħroġ b’suċċess minn din il-lista. 

L-Uffiċċjal Kap Operattiv ta’ Gaming Malta Ivan Filletti rrimarka kif is-settur tal-iGaming qed ikompli jikber, kif ukoll joħloq u jilqa’ għal opportunitajiet ġodda. “Li tara kumpaniji bħal PressEnter Group iżidu l-attività tagħhom u l-investiment, flimkien ma’ ħaddiema b’talent kbir, ikompli jsaħħaħ il-kredenzjali ta’ Malta bħala ‘Home of Gaming Excellence’,” qal is-Sur Filletti.

STQARRIJA MILL-MINISTERU GĦALL-EKONOMIJA U L-INDUSTRIJA Il-kumpanija tal-iGaming PressEnter tagħżel lil Malta bħala l-kwartieri ġenerali tagħha minn fost pajjiżi oħra Ewropej u se toħloq 150 impjieg ġdid
STQARRIJA MILL-MINISTERU GĦALL-EKONOMIJA U L-INDUSTRIJA Il-kumpanija tal-iGaming PressEnter tagħżel lil Malta bħala l-kwartieri ġenerali tagħha minn fost pajjiżi oħra Ewropej u se toħloq 150 impjieg ġdid
STQARRIJA MILL-MINISTERU GĦALL-EKONOMIJA U L-INDUSTRIJA Il-kumpanija tal-iGaming PressEnter tagħżel lil Malta bħala l-kwartieri ġenerali tagħha minn fost pajjiżi oħra Ewropej u se toħloq 150 impjieg ġdid
STQARRIJA MILL-MINISTERU GĦALL-EKONOMIJA U L-INDUSTRIJA Il-kumpanija tal-iGaming PressEnter tagħżel lil Malta bħala l-kwartieri ġenerali tagħha minn fost pajjiżi oħra Ewropej u se toħloq 150 impjieg ġdid
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow