Left arrow Mur Lura

STQARRIJA MILL-UFFIĊĊJU TAL-PRESIDENT Il-President jenfasizza l-potenzjal li tiġġedded ir-rabta storika bejn Malta u l-Ordni ta’ Malta

pr211883
Date Icon 13/10/2021

L-Ordni Sovran ta’ Malta u r-Repubblika ta’ Malta għad għandhom potenzjal kbir biex iġeddu r-rabta storika bejniethom u, għal darba oħra, jaħdmu flimkien biex iġeddu u jżommu ħajja l-preżenza tal-Ordni f’Malta, qal il-President ta’ Malta George Vella fil-ftuħ tat-tieni simpożju mis-Sensiela ta’ Simpożji Kulturali tal-Presidenza.

Is-simpożju, bit-tema ‘Malta and the Sovereign Order of Malta: Historical Relations, Future Histories’, sar f’forma ibrida fil-Palazz ta’ Sant’Anton u permezz ta’ servizz ta’ vidjokonferenza, u xxandar ukoll dirett fuq il-paġna uffiċjali tal-President ta’ Malta fuq Facebook. L-Ordni Sovran ta’ Malta kien is-suġġett ta’ diversi karti u intervisti, diskussjonijiet u konverżazzjonijiet li jfittxu li jesploraw ir-relazzjoni politika, kulturali, u istituzzjonali bejn Malta u l-Ordni ta’ Malta, waqt li jiffokaw fuq l-istorja tar-relazzjonijiet diplomatiċi u l-istorja tal-Ordni wara t-tluq tiegħu minn Malta fl-1798, il-patrimonju artistiku u kulturali tal-Ordni ta’ Malta llum, kif ukoll il-funzjoni, ir-rwol, u l-iskop tal-Ordni ta’ Malta. Is-Sensiela ta’ Simpożji Kulturali tal-Presidenza għandha l-għan li tibda konverżazzjonijiet dwar id-diplomazija kulturali u tat kontribut ukoll għat-trawwim ta’ relazzjonijiet aħjar bejn l-Istati fl-ogħla Uffiċċju tal-Istat.

Il-President fakkar li, meta kien imexxi Malta, l-Ordni ta’ San Ġwann ta lill-pajjiż l-identità tiegħu ta’ fortizza bil-kostruzzjoni kontinwa ta’ swar li mhux talli żammew ‘il bogħod lill-għadu, iżda talli żammew fiż-żgur it-teżori tal-patrimonju kulturali li kienu, u għadhom illum il-ġurnata, tant għeżież għal dawn il-gżejjer. L-Ordni mexxa wkoll lil Malta fl-iżviluppi kulturali u artistiċi popolari li kienu qed iseħħu fl-Ewropa kontinentali. Ħafna mill-patrimonju arkitettoniku, kulturali, u artistiku ta’ Malta tħalla lill-pajjiż mill-Ordni ta’ San Ġwann. Ir-rabta tal-Ordni ma’ Malta, fil-fatt, wasslet biex isem Malta jingħata proprju lill-Ordni Ospitalier ta’ San Ġwann ta’ Ġerusalemm biex sar l-Ordni ta’ Malta. Huwa dan il-legat, qal il-President, li jorbot Nazzjon ma’ Ordni flimkien fl-iktar relazzjonijiet b’saħħithom għal li ġej.

“Huwa b’dan il-ħsieb li nilqa’ dan is-simpożju bħala mument ta’ riflessjoni,” qal il-President. “Fil-fatt, l-istorja tal-Ordni ta’ San Ġwann għandha r-rilevanza u s-sinifikat fundamentali tagħha, tant li għadha tiġi sostnuta, mgħożża, u ċċelebrata sal-ġurnata tal-lum.”

Is-simpożju beda b’messaġġ ta’ merħba mill-Ambaxxatur tal-Ordni Sovran ta’ Malta għar-Repubblika ta’ Malta, Augusto Ruffo di Calabria, u minn Sandro Debono, Konsulent tal-President dwar l-Affarijiet Kulturali. Fost il-kelliema hemm l-Ambaxxatur ta’ Malta għall-Ordni Sovran ta’ Malta, George Buttigieg. Ġew intervistati l-mistednin speċjali Douglas Graf Saurma-Jeltsch, membru tal-bord eżekuttiv tal-Malteser Hilfsdienst fil-Ġermanja u li kien l-ambaxxatur tal-Ordni Sovran ta’ Malta fil-Litwanja, kif ukoll Dominique Prince de La Rochefoucauld-Montbel, Bailiff Grand Cross tal-Unur u d-Devozzjoni fl-Ubbidjenza.

STQARRIJA MILL-UFFIĊĊJU TAL-PRESIDENT Il-President jenfasizza l-potenzjal li tiġġedded ir-rabta storika bejn Malta u l-Ordni ta’ Malta
STQARRIJA MILL-UFFIĊĊJU TAL-PRESIDENT Il-President jenfasizza l-potenzjal li tiġġedded ir-rabta storika bejn Malta u l-Ordni ta’ Malta
STQARRIJA MILL-UFFIĊĊJU TAL-PRESIDENT Il-President jenfasizza l-potenzjal li tiġġedded ir-rabta storika bejn Malta u l-Ordni ta’ Malta
STQARRIJA MILL-UFFIĊĊJU TAL-PRESIDENT Il-President jenfasizza l-potenzjal li tiġġedded ir-rabta storika bejn Malta u l-Ordni ta’ Malta
STQARRIJA MILL-UFFIĊĊJU TAL-PRESIDENT Il-President jenfasizza l-potenzjal li tiġġedded ir-rabta storika bejn Malta u l-Ordni ta’ Malta
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow