Left arrow Mur Lura

PRESIDENT U VIĊI PRESIDENT ĠODDA GĦALL-BORD TAL-GVERNATURI TAL-MCAST

pr1868
Date Icon 13/10/2010
Is-Sur Joe Farrugia us-Sur Tonio Portughese inħatru President u Viċi President tal-Bord tal-Gvernaturi tal-Kulleġġ Malti għall-Arti, Xjenza u Teknoloġija. Il-ħatra li hi għal tliet snin saret mill-Ministru tal-Edukazzjoni, Xogħol u l-Familja, Dolores Cristina.
Joseph Farrugia ilujokkupa l-kariga ta’ Direttur Ġenerali tal-Assoċjazzjoni ta’ Min Iħaddem għal dawn l-aħħar disa’ snin. Qabel hu kien impjegat tal-Universita’ ta’ Malta fejn kien lecturer fil-Marketing u suġġetti anċillari kemm fil-Junior College kif ukoll fl-Universita’. Hu għandu esperjenza vasta fil-kunsulenza tal-marketing u ħadem ukoll bħala Uffiċjal tar-Riżorsi Umani mal-Grupp Gasan bejn l-1988 u l-1955 fejn kien responsabbli wkoll għar-relazzjonijiet industrjali, taħriġ u l-iżvilupp tal-organizazzjoni.
Is-Sur Farrugia kienmembru tal-Bord tad-Diretturi tal-Korporazzjoni għax-Xogħol u t-Taħriġ, il-Bord għar-Relazzjonijiet tal-Impjiegi, il-Kummissjoni Nazzjonali għall-Promozzjoni tal-Ugwaljanza u jirrappreżenta lill-Assoċjazzjoni ta’ Min Iħaddem fil-Kunsill Malti għall-Iżvilupp Ekonomiku u Soċjali u f’diversi fora internazzjonali inkluż l-Organizazzjoni Internazzjonali ta’ Min Iħaddem, il-Fond Soċjali Ewropew u organizazzjonijiet oħra. Fl-oqsma kulturali Joe Farrugia hu magħruf bħala artist u organizza diversi esibizzjonijiet bix-xogħlijiet tiegħu. Xogħlijiet ta’ pittura tiegħu jinsabu fil-Mużew Nazzjonali tal-Arti u l-Mużew tal-Arkeoloġija. Hu miżżewweġ u għandu tifla.
Il-Kavallier TonioPortughese li kien diġa’ membru tal-Bord tal-Gvernaturi tal-MCAST issa nħatar Viċi President. Hu għandu esperjenza vasta fit-tmexxija ta’ kumpanniji kemm f’Malta (ST) kif ukoll fuq livell internazzjonali. Hu lecturer fil-Management u awtur ta’ numru ta’ kotba u pubblikazzjonijiet
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-INKLUŻJONI U L-VOLONTARJAT  “Meta nappoġġjaw persuna b’diżabilità, irridu nkunu hemm għall-familja kollha” – Il-Ministru Julia Farrugia

PR261993

STQARRIJA MILL-MINISTERU GĦALL-INKLUŻJONI U L-VOLONTARJAT “Meta nappoġġjaw...

STQARRIJA MILL-UFFIĊĊJU TAL-PRESIDENT TA’ MALTA

PR261992

STQARRIJA MILL-UFFIĊĊJU TAL-PRESIDENT TA’ MALTA

Aktar Stqarrijiet Right arrow