Maratona ta’ St. Vincent de Paul Running Group bl-appoġġ tal-Kunsill Malti għall-Isport
pr1802
03/10/2010
Maratona ta’ St. Vincent de Paul Running Group bl-appoġġ tal-Kunsill Malti għall-Isport
| Is-Segretarju Parlamentari għaż-Żgħażagħ u Sport | Clyde Puli il-bieraħ żar il-maratona organizzata mis-St. Vincent De Paul Running Group. Din il-maratona tiġi organizzata kull sena fil-viċinanzi tar-residenza ta’ San Vincenz de Paul u din is-sena saret ġurnata wara l-Jum Internazzjonali tal-Anzjani. |
| Għall-ewwel darba, din il-maratona ġiet organizzata | mis-St Vincent de Paule Running Group bl-appoġġ tal-Kunsill Malti għall-Isport u nfetħet mhux biss għall-impjegati ta’ San Vincenz, iżda wkoll għar-residenti tad-djar tal-anzjani. Dan sar bl-għan li l-parteċipazzjoni fl-attività fiżika u l-isport tkompli titwessa kemm mal-ħaddiema kif ukoll mall-anzjani. |
| Il-maratona, bit-tema ‘Iġri għal qalbek’ | kienet tinkludi żewġ ġirjiet. Bħas-soltu, il-1Km saret mad-dawra ta’ San Vinċenz fuq ġewwa, filwaqt li l-5Km kienet fit-toroq u bdiet u spiċċat ħdejn il-bieb prinċipali tar-residenza. Dawn it-tlielaq kienu miftuħa għal kulħadd irrispettivament mill-età u s-sess tal-parteċipanti. |
| Fil-fatt din is-sena | fil-ġirja tal-kilometru ħadu sehem 200 parteċipant u fil-ġirja ta’ 5 KM ħadu sehem 207 parteċipant. Ta’ min jinnota li aktar minn 40 parteċipant kienu anzjani li għandhom il-fuq minn 60 sena. |
| Fi-tmiem | il-maratona, is-Segretarju Parlamentari Clyde Puli qassam trofej lir-rebbieħa u l-parteċipanti f’din il-maratona. Preżenti kien hemm ukoll l-Assistent Parlamentari fi ħdan il-Ministeru għas-Saħħa, l-Anzjani u l-Kura fil-Komunità, Peter Micallef. |
Stqarrijiet Oħra:
PR261993
STQARRIJA MILL-MINISTERU GĦALL-INKLUŻJONI U L-VOLONTARJAT “Meta nappoġġjaw...
PR261992