STQARRIJA MILL-MINISTERU TAS-SAĦĦA U S-SEGRETARJAT PARLAMENTARI GĦALL-ANZJANI U KURA FIL-KOMUNITà
pr1666
14/09/2010
| Illum, il-Union tal-Infermiera u | l-Qwiebel (MUMN) informat lid-Divizjoni tas-Saħħa li l-Union kienet qed temenda d-direttiva dwar it-tqassim tal-medicini fis-swali. |
| Il-Gvern japprezza dan il-pass u jqis | li dan huwa fid-direzzjoni t-tajba. |
| Madankollu, il-Gvern iħeġġeġ | lill-Union sabiex twaqqaf id-direttivi kollha li qed ikunu ta’ dannu għall-morda, inkluż id-direttiva li ma jiġbrux il-medicini perikolużi mill-ispiżeriji tal-isptarijiet ħalli jitwasslu lill-pazjenti fis-swali. Jeżistu policies interni tad-dipartiment u liġijiet li jirregolaw it tqassim ta’ mediċini perikoluzi u l- methadone li jistipulaw li ħadd ma jista’ jiġbor u jqassam dawn il-mediċini ħlief in-nurses u l-ispiżjara. Il-Gvern qatt ma jista’ jaċċetta li l-pazjenti u n-nies vulnerabbli jsofru. Għalhekk il-Gvern jerga’ jħeġġeġ lill-Union tan-nurses sabiex twaqqaf id-direttivi li jfissru tbatija lill-morda ħalli jkomplu d-diskussjonijiet bil-għan li s-servizzi tas-saħħa jkomplu jitjiebu anke permezz ta’ żvilupp fit-taħriġ għan-nurses. |
| Fi żvilupp ieħor, il-Ministru Joe | Cassar u s-Segretarju Parlamentari Mario Galea, ikkuntattjaw lis-Sur Paul De Raeve, is-Segretarju Generali ta’ l-European Federation of Nurses (EFN), fejn stiednuh jiġi Malta ħalli jara b’għajnejh is-sitwazzjoni u jagħraf l-ineżattezzi li twasslulu. Is-Segretarju Permanenti fil-Ministeru tas-Sahha, l-Anzjani u Kura fil-Komunita’, Dr Kenneth Grech, kiteb ittra (kopja annessa ma’ din l-istqarrija) dwar l-informazzjoni ineżatta u skoretta li kien hemm fl-istqarrija tal-EFN. |
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990