STQARRIJA MIS-SEGRETARJAT PARLAMENTARI GĦALL-KONSUMATUR, KOMPETIZZJONI ĠUSTA, KUNSILLI LOKALI U KONSULTAZZJONI PUBBLIKA
pr1560
25/08/2010
Il-konsumatur mhux priorita’ għall-Oppożizzjoni
| Il-Linji Gwida dwar l-immaniġġjar, il-wiri u l-bejgħ | tal-ħut jistabbilixxu prattiċi tajbin u livelli għolja ta’ iġjene li għandhom ikunu osservati u li minnhom igawdu kemm il-bejjiegħa kif ukoll il-konsumatur Malti. Il-Linji Gwida kienu ppubblikati mill-Awtorita’ Maltija għall-Istandards (MSA) fil-jiem li għaddew wara konsultazzjoni wiesgħa li damet sejra sentejn u li fost l-oħrajn kienet tinvolvi 30 siegħa ta’ laqgħat. Fihom ipparteċipaw rappreżentanti tad-Direttorat tas-Saħħa Ambjentali, tad-Dipartiment tas-Sajd, tad-Dipartiment tas-Servizzi Veterinarji, tal-Għaqda Imprendituri Maltin u Għawdxin u l-bejjiegħa tal-ħut infushom. |
| Il-mod kif il-kelliem tal-Oppożizzjoni għas-Sajd Joe | Sammut qed jikkritika dawn il-Linji Gwida hu xhieda tal-fatt li għall-Oppożizzjoni il-konsumatur mhux priorita’. L-Oppożizzjoni m’għandhiex għal qalbha l-ħarsien tal-konsumatur u qed titkellem biss għall-gallarija. L-Oppożizzjoni għadha mhux tifhem li l-konsumatur jitħares mhux biss bil-kliem iżda bil-fatti. |
| B’kuntrast il-ħidma tal-Awtorita’ Maltija | għall-Istandards qed twassal biex bil-mod il-mod pajjiżna jkollu standards għoljin f’diversi oqsma per eżempju l-linji gwida għall-bejjiegħa tal-ħut jittrattaw oqsma differenti fosthom l-indafa, l-użu tas-silġ biex il-ħut jinżamm frisk, l-ippakkeġġjar, l-ipproċessar, it-trasport, iż-żamma ta’ dokumentazzjoni meħtieġa, l-użu ta’ għodda speċifika, iż-żamma tal-ħut f’temperaturi adegwati, l-użu ta’ lbies protettiv, ir-rimi ta’ skart, u l-mod kif l-istess ħut jitpoġġa għall-bejgħ. |
| L-għan tal-Linji Gwida hu li jserrħu moħħ il-klient | li jkun qed jixtri l-ħut mingħand bejjiegħa li m’għandhomx ħanut jew post fiss. Il-klienti se jkunu assigurati li l-bejjiegħa li se jimxu fuq dawn l-istandards huma konformi ma’ regolamenti ta’ saħħa u iġjene kif ukoll li l-prodotti li jkollhom għall-bejgħ ikunu friski għax ikunu nżammew f’temperaturi u kundizzjonijiet adegwati. Il-Linji Gwida jassiguraw ukoll il-ħarsien tat-tradizzjoni tal-bejgħ tal-ħut fil-lokalitajiet. |
| Bl-istqarrija tiegħu l-Oppożizzjoni qed turi li dan | kollu ma jinteressahiex. |
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990