APPUNTAR TA’ KORPI APPROVATI BIEX JISPEZZJONAW LIFTS
| Skond | ir-Regolamenti dwar l-Inspezzjonijiet tal-Lifts (Avviż Legali 231 ta’ l-2007), kull lift irid jiġi ispezzjonat u eżaminat perjodikament minn korpi approvati mill-Awtorita’ Maltija dwar l-iStandards (MSA) magħrufa bħala “Authorised Conformity Assessment Bodies” (ACABs). |
| Hija | r-responsabbilta’ ta’ persuni responsabbli mill-lift jew is-sidien tal-lift li jappuntaw ACAB u jiżguraw li dawn l-ispezzjonijiet u eżamijiet isiru skond kif tirrekjedi l-liġi. |
L-MSA tixtieq tfakkar lill-persuni responsabbli u sidien ta’ lifts li huma għandhom kull dritt jagħżlu ACAB li jixtiequ huma, sakemm dan l-ACAB huwa uffiċjalment approvat mill-MSA. Lista aġġornata ta’ ACABs approvati tinstab fuq is-sit elettroniku tal-Awtorità www.msa.org.mt/rad/lifts/index.htm
Fi żmien 28 ġurnata wara d-data li jkun imiss ispezzjoni jew eżami, il-persuna responsabbli jew sid il-lift huwa obbligat jibgħat ir-rapport tal-ACAB lill-MSA (f’każ ta’ lifts f’bini residenzjali) jew l-Awtorita’ Maltija dwar is-Saħħa u s-Sigurta’ fuq il-post tax-Xogħol (f’każ ta’ lifts f’postijiet tax-xogħol). Dawn it-tip ta’ ispezzjonijiet huma addizzjonali għal xogħol ta’ “servicing” u manutenzjoni li jsir normalment minn dawk li jinstallaw il-lift.
Kull min jixtieq aktar informazzjoni jew għandu xi mistoqsiiet dwar din il-kwistjoni jista’ jikkuntattja lill-MSA fuq telefon 2395 2000 jew email fuq helpdesk.msa@msa.org.mt .
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990