JITNIEDA L-MALTA GRAND SUMMER CARNIVAL LI SE JSIR F’SAN PAWL IL-BAĦAR
pr1519
17/08/2010
| Il-Kunsill Lokali ta’ | San Pawl il-Baħar qed jirċievi finanzjament addizzjonali mill-Gvern ċentrali biex jagħmel tajjeb għall-problemi maħluqa fix-xhur tas-sajf riżultat taż-żieda drastika fil-popolazzjoni b’mod partikolari ta’ turisti. |
| Dan il-Kunsill Lokali, | u Kunsilli responsabbli għal-lokalitajiet li għandhom ħtiġijiet speċjali, qed igawdu mill-Fond għal-Lokalitajiet bi Bżonnijiet Speċjali, imwaqqaf propju biex jgħin f’ċertu sitwazzjonijiet. Hekk per eżempju fix-xhur tas-sajf tiżdied il-pressjoni fuq l-infrastruttura u fuq ir-riżorsi ta’ San Pawl il-Baħar u għaldaqstant dan ikun jinħtieġ għajnuna finanzjarja addizzjonali. |
| Dan qalu s-Segretarju | Parlamentari responsabbli mill-Kunsilli Lokali Chris Said meta indirizza konferenza tal-aħbarijiet li matulha tniedew l-attivitajiet tal-Malta Grand Summer Carnival li se jkun organizzat minn Catwalk Productions bi sħab mal-Kunsill Lokali San Pawl il-Baħar. Din l-inizjattiva se ssir bejn is-Sibt 21 u l-Ħadd 22 ta’ Awwissu fil-Pjazza ewlenija u f’Dawret il-Gżejjer f’Buġibba. |
| Din hi l-ewwel darba | li attivitajiet tal-Karnival se jkunu organizzati fl-eqqel tas-sajf u l-idea hi li t-turisti li jinsabu f’pajjiżna jingħataw togħma ta’ kif ikun organizzat il-Karnival f’pajjiżna. Se jkunu involuti ammont sostanzjali ta’ parteċipanti fosthom il’ fuq minn 600 żeffien u karristi kemm minn Malta kif ukoll minn Għawdex. F’din l-attivita’ se jintużaw karrijiet li saru apposta kif ukoll kostumi u maskaruni li ntużaw fil-Karnival ta’ Frar. Għall-ewwel darba se jieħdu sehem ukoll karrijiet tal-Karnival minn Għawdex. Se jkun hemm ukoll ġostra fil-baħar, żfin minn tfal ta’ diversi skejjel, karrijiet, maskaruni u gruppi ta’ żfin tal-karnival Maltin u Għawdxin. |
| Is-Segretarju | Parlamentari Chris Said faħħar l-inizjattiva tal-Kunsill Lokali San Pawl il-Baħar li permezz tagħha se jkun qed jagħmel riklam tajjeb għall-Karnival Malti. Barra minn hekk se jgħin lis-settur tan-negozju fil-lokalita’ billi se jkun qed jattira aktar Maltin u turisti lejn din il-lokalita’. |
| Hu qal li l-Fond għal | Bżonnijiet Speċjali inħoloq minħabba sitwazzjoni bħal dawn. Il-Fond għal-Lokalitajiet bi Bżonnijiet Speċjali twaqqaf apposta fl-2009 biex permezz tiegħu il-Kunsilli Lokali jingħataw finanzjament addizzjonali għal responsabiltajiet diretti li huma għandhom iżda li l-allokazzjoni finanzjarja li jirċievu ma taħsibx biżżejjed għalihom. Dan peress li l-allokazzjoni diretta hi maħduma fuq diversi fatturi fosthom fuq il-popolazzjoni residenti. |
| Permezz ta’ dan | il-fond jiġu indirizzati diversi problemi maħluqa minħabba żieda temporanja fin-numru ta’ nies li jgħixu jew jgħaddu minn dak il-lokal kif ukoll minħabba kawżi oħra. Il-fondi miksuba permezz ta’ dan il-fond jistgħu jintużaw għall-ġbir ta’ skart, tindif u manutenzjoni. |
| Din is-sena 25 | Kunsill Lokali se jieħdu 530,000 ewro bejniethom biex jindirizzaw ħtiġijiet speċjali li għandhom fil-lokalitajiet tagħhom riżultat ta’ realtajiet partikolari li mhux neċessarjament jeżistu f’lokalitajiet oħra. |
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990