Left arrow Mur Lura

Politika li toħloq ambjent li jżid ix-xogħol

pr1452
Date Icon 06/08/2010
Il-kapaċità ta’intrapriża li tagħraf is-sinjali tas-suq, fil-waqt li twettaq investimenti għaqlija, huma ċ-ċavetta għas-suċċess.  F’dinja fejn is-suq iżjed ma jmur qed isir tassew kompetittiv, jeħtieġ li l-intrapriżi tagħna jimirħu f’niċċeċ ġodda.  Dan qalu illum is-Segretarju Parlamentari għal Negozji Żgħar u Artijiet Jason Azzopardi waqt li kien qed iżur il-kumpanija Servgroup ġewwa ż-żona industrijali tal-Imrieħel.
Jason Azzopardi qal lil-kumpanija Servgroup hija eżempju ċar ta’ kif tul is-snin għarfet timxi mal-andament tas-suq, issib l-opportunitajiet, u tisfruttahom. Dan għamlitu billi kienet kapaċi tiddiversifika l-operat tagħha, waqt li żammet il-pożizzjoni tagħha fis-suq.
Is-SegretarjuParlamentari qal li is-suċċess ta’ din l-intrapriża jimxi id f’id mal-politika tal-Gvern għas-settur, fejn il-Gvern joħloq klima biex l-intrapriża timraħ.  Huwa kompla li l-Gvern joħloq u jsostni numru ta’ inizzjattivi u miżuri maħsuba biex jinċentivaw l-investiment, u b’hekk joħolqu x-xogħol.
Jason Azzopardiqal li huwa ta’ sodisfazzjon li tara intrapriżi bħal din, jiċċelebraw is-suċċessi tagħhom, u jesprimu ottimiżmu għall-ġejjieni fid-dawl ta’ passi anke lil-hinn minn xtutna.  Huwa qal li fl-aħħar jiem żar numru ta’ intrapriżi żgħar u medji li jinsabu fil-proċess li jibbenefikaw mill-Fondi tal-Unjoni Ewropea ERDF.  Dawn il-fondi taħt diversi skemi, qed jipprovdu numru ta’ intrapriżi bl-għajnuna neċessarja biex iwettqu proġetti kreattivi u ambizzjużi, u li permezz tagħhom qed joħolqu opportiniatjiet ġodda fl-operat tagħhom.
Il-programm 20million for Industry imħaddem mill-Malta Enterprise, qed jgħin diversi kumpaniji, taħt skemi differenti.  Dan il-programm, is-Segretarju Parlamentari innota li kien suċċess kbir lokalment, tant li l-fondi disponibbli żdiedu minn €20 miljun għal €25 miljun.  Minn dawn il-fondi f’Malta u f’Għawdex, gawdew madward 396 SME.
Intant Jason Azzopardigħamel referenza wkoll għall-ewwel laqgħa tal-Kunsill Konsultattiv tal-Intrapriża li mexxa l-Ministru tal-Finanzi l-Ekonomija u Investiment Tonio Fenech il-ġimgħa li għaddiet.  Waqt din il-laqgħa, is-Segretarju Parlamentari għamel preżentazzjoni fuq l-Att dwar in-Negozji ż-Żgħar, liema Att ser iwassal għal leġiżlazzjoni aħjar għan-negozji żgħar u medji f’pajjżina.
Fost l-oħrajn dan l-attser ikun qed jipprovdi li entitajiet pubbliċi, speċjalment dawk li jkollom x’jaqsmu magħhom spiss l-SMEs, ikun jinħtieġilhom jagħmlu surveys regolari u indipendenti dwar is-servizz li huma joffru lill-klijenti SME tagħhom.  Dan sabiex jiġi żgurat li dawn l-entitajiet jibqgħu jaqdu ’l SMEs b’mod effiċjenti. L-Att dwar in-Negozji Żgħar, jipprovdi ukoll biex issir ġabra tal-informazzjoni kollha neċessarja għan-negozji żgħar f’post wieħed online.  Dan jiffaċilita referenza iżjed faċli għal din l-informazzjoni mill-operaturi SME.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow