Left arrow Mur Lura

APPLIKAZZJONIJIET GĦALL-ĦATRA TAL-KUNSILL TA’ L-ORGANIZAZZJONIJIET VOLONTARJI

pr1450
Date Icon 06/08/2010
Il-Ministrutal-Edukazzjoni, Xogħol u l-Familja, l-Onor. Dolores Cristina tilqa' applikazzjonijiet għall-ħatra tal-Kunsill għas-Settur tal-Volontarjat skond l-Artikolu 35 ta’ dan l-Att.
Il-Kunsill se jkunmagħmul minn President u għaxar membri oħra. Minn fost dawn il-ħdax-il membru, wieħed jinħatar mill-Ministru biex jirrappreżenta lill-Gvern, membru ieħor ikun il-Kummissarju ex officio u d-disa’ membri l-oħra jinħatru skond is-subartikolu (3) ta’ dan l-Att.
(A)Ħames membri minn fost is-settur tal-volontarjat kif ġej:
1.   tlietmembri li jiġu nnominati minn organizzazzjonijiet volontarji iskritti sa dakinhar tal-pubblikazzjoni ta’ dan l-avviż;
2.   membruwieħed li jiġi nnominat minn organizzazzjonijiet volontarji li ma jkunux iskritti skond dan l-Att iżda li jkunu rreġistrati skond ma hemm imsemmi fit-Tieni Skeda li tinsab mal-Kodiċi Ċivili; (minħabba li r-reġistrazzjoni skond il-Kodiċi Ċivili għadha ma bdietx, il-persuna li tinħatar trid tintgħażel minn fost dawk innominati minn organizzazzjonijiet volontarji oħrajn);
3.   membruwieħed li jiġi nnominat minn organizzazzjonijiet volontarji li la jkunu iskritti skond ma hemm f’dan l-Att u lanqas ma jkunu rreġistrati skond ma hemm imsemmi fit-Tieni Skeda li tinsab mal-Kodiċi Ċivili
(B)Erba’ membri li għandhom jinħatru kif ġej:
1.   membruwieħed biex jirrappreżenta lil fundaturi u donaturi ta’ organizzazzjonijiet volontarji;
2.   membruwieħed biex jirrappreżenta lil membri ta’ organizzazzjonijiet volontarji u lil volontieri;
3.   membruwieħed biex jirrappreżenta lil amministraturi ta’ organizzazzjonijiet volontarji;
4.   membruwieħed biex jirrappreżenta lil organizzazzjonijiet barranin u dawk internazzjonali.
Iżda meta jkun hemm aktar minn nomina waħda li tkuntirrappreżenta lil xi settur partikulari, il-Ministru għandha taħtar lil dawk il-membri minn fost in-nomini li jkun irċieva.
Iżda meta ma jkunx hemm nomini, il-Ministru għandhataħtar lil dawk il-membri fid-diskrezzjoni tagħha.
Iżda qabel ma l-Ministru tappunta l-membrital-Kunsill, għanda minnufih tikkonsulta mal-Kumitat dwar l-Affarijiet Soċjali tal-Kamra tad-Deputati jew xi kumitat ieħor li jissostitwih dwar in-nomini riċevuti.
Persuna ma tkunx ikkwalifikata biex tinħatar membrufil-Kunsill kemm-il darba hija:
a.   tkunImħallef, Maġistrat, Membru tal-Kamra tad-Deputati jew ta’ Kunsill Lokali, jew kandidat għall-elezzjoni fil-Kamra tad-Deputati jew Kunsill Lokali; jew
b.   jewlegalment inkapaċitata jew interdetta; jew
c.   tkunġiet iddikjarata falluta jew tkun għamlet kompożizzjoni jew arranġament mal-kredituri tagħha; jew
d.   tkuninstabet ħatja ta’ xi reat kontra l-fiduċja pubblika jew ta’ serq jew frodi, jew tkun xjentement laqgħet għandha proprjetà li tkun ġejja minn serq jew frodi, jew ta’ xi reat kontra dan l-Att.
In-nomini minnorganizzazzjonijiet volontarji akkumpanjati min curriculum vitae tal-persuna/i nominata/i, u li jindikaw taħt liema minn dawn it-taqsimiet qed jitressqu dawn in-nomini, jintlaqgħu mill-Kummissjoni Għall-Organizzazzjonijiet Volontarji sat-20 ta’ Awissu 2010:

Block C, Floriana FRN 1700
Tel: 25687261
Email: vo@gov.mt

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow