Boroż ta’ Studju “Xerred il-Malti”
pr1427
03/08/2010
| Il-Ministeru tal-Edukazzjoni, Xogħol u l-Familja, | għadu kif nieda skema oħra ta’ Boroż ta’ Studju, - Xerred il-Malti - immirati lejn Maltin li jgħixu barra l-pajjiż li jixtiequ jagħmlu kors fl-Universita’ ta’ Malta li jwassal għal Degree ta’ B. Educ (Hons) bi speċjaliżazzjoni fil-lingwa Maltija. |
| Din | l-iskema qed iġġib fis-seħħ wegħda li l-Ministru tal-Edukazzjoni, Xogħol u l-Familja għamlet waqt il-Konvenzjoni tal-Maltin ta’ Barra li saret f’Malta aktar kmieni din is-sena. |
| L-iskema | ta’ Boroż ta’ Studju “Xerred il-Malti” hi maħsuba biex persuni ta’ nazzjonalita’ Maltija jew ta’ dixxendenza Maltija tat-tieni jew tielet ġenerazzjoni, li ma jgħixux f’Malta u li jixtiequ jkattru l-għarfien u jxerrdu t-tagħlim tal-Malti fost l-emigranti, jkollhom l-opportunita’ li jitgħallmu l-pedagoġija tal-ilsien u l-kultura Maltija. |
| Din l-iskema se toffri ħames boroż ta’ studju lil | persuni li ma jgħixux f’Malta u li huma interessati biex wara taħriġ qasir imma intensiv fil-lingwa u l-letteratura Maltija, jissieħbu fil-kors tal-B.Educ. (Hons.) offrut mill-Universita’ ta’ Malta. Din l-iskema hi ffinanzjata kollha kemm hi mill-Gvern ta’ Malta. |
| Regolamenti u formoli tal-applikazzjonijiet ta’ din | l-iskema ntbagħtu lill-Federazzjoni tal-Maltin ta’ Barra, li issa għandha lil Prof. Maurice Cauchi bħala President tagħha, biex jitqassmu fost il-komunitajiet Maltin li hemm f’diversi pajjiżi mferrxa mad-dinja kollha. |
Dawn ir-regolamenti jidhru wkoll fuq is-sit elettroniku tal-Ministeru tal-Edukazzjoni, www.education.gov.mt
Il-Ministeru tal-Edukazzjoni, Xogħol u l-Familja, bħalissa qed jaħdem fuq proposti oħra li l-Ministeru għamel waqt l-istess Konvenzjoni.
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990