Left arrow Go Back

Iżjed Fiduċja fil-Kunsilli Lokali

pr1366
Date Icon 23/07/2010
Il-Gvern illum issoktabil-politika ta’ devoluzzjoni lil iżjed entitajiet li tirriżulta f’investiment għall-komunitajiet tagħna.  Din id-darba kien imiss il-Kunsill Lokali tas-Swieqi li d-Dipartiment tal-Artijiet għaddielu Tennis Court u Club House ġewwa Triq il-Ħemel fiċ-ċentru tal-lokalita`.  Is-Segretarju Parlamenatri għal Negozji Żgħar u Artijiet Jason Azzopardi u s-Segretarju Parlamentari għall-Konsumatur, Kompetizzjoni Ġusta, Kunsilli Lokali u Konsultazzjoni Pubblika Chris Said ippresedew iċ-ċerimonja tal-iffirmar uffiċjali.
Is-SegretarjuParlamenatri Jason Azzopardi qal li permezz ta’ kull devoluzzjoni li jagħmel il-Gvern, ikun qed jagħti vot ta’ fiduċja lill-Kunsilli Lokali, għax tassew jemmen fil-ġid li dawn kapaċi jagħmlu.  Dan joħroġ ċar minn proġetti kreattivi li diversi kunsilli lokali huma kapaċi jipproponu għall-ġid tal-lokal tagħhom.  Għalhekk joħroġ naturali li l-Gvern jinkoraġġixxi dawn l-inizzjattivi.  Hekk ġara din is-sena, fejn minn Jannar sa Lulju saru diġa` rekord ta’ 24 devoluzzjoni ta’ proprjeta` lil Kunsilli Lokali.  Dan huwa id-doppju tan-numru totali ta’ devoluzzjonijiet li saru fit-tnax-il xahar tal-2009, li kienet diġa` sena rekord.
F’dan il-każ, il-KunsillLokali tas-Swieqi qed jiġi fdat bit-tmexxija tal-Club House u it-Tennis Court ġewwa Triq il-Ħemel biex dawn il-faċilitajiet jiġu żviluppati u aċċessibbli għal faxex usa’ tal-komunita` tas-Swieqi. Is-Segretarju Parlamentari Jason Azzopardi saħaq li dan isegwi l-ħsieb ewlieni wara l-politika ta’ devoluzzjoni – li kunsilli lokali u entitajiet oħra bosta drabi jkunu f’pożizzjoni aħjar li jagħmlu l-aqwa użu minn proprjeta` fil-lokal.  Dan huwa tajjeb u l-Gvern jikkonfermah b’rekord ta’ devoluzzjonijiet iffirmati.
Is-SegretarjuParlamentari Chris Said qal li l-Gvern qed jgħin bis-sħiħ lill-Kunsilli Lokali biex iwettqu ħidma b’riżq il-komunitajiet li jirrappreżentaw. Il-politika ta’ devoluzzjoni li minnha gawda wkoll il-Kunsill Lokali tas-Swieqi hi għajnuna ta’ din ix-xorta. Issa jmiss li l-Kunsill Lokali tas-Swieqi jagħmel użu mill-Fond għall-Iżvilupp Urban biex iwettaq proġett ta’ tisbiħ li minnu jgawdu r-residenti kollha. Huwa qal ukoll li l-Kunsill Lokali tas-Swieqi ingħata mijiet ta’ eluf ta’ ewro biex jibni mill-ġdid 21 triq fil-Madliena. Dan ix-xogħol se jsir bħala parti minn proġett pilota li minnu qed igawdu wkoll il-Kunsilli Lokali tal-Imqabba u Ħal Kirkop. Ix-xogħol fit-toroq tal-Madliena mistenni jibda f’qasir żmien hekk kif it-tender diġa ġie aġġudikat.
Is-Segretarju Parlamentari Chris Said ħabbar ukollli biċċa art mitluqa li tinsab fi Triq il-Keffa kienet esproprjata mill-Gvern u issa għaddejjin id-diskussjonijiet bejn il-Gvern u l-Kunsill Lokali biex din tinbidel fi spazju miftuħ.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow