Left arrow Mur Lura

Madwar 500 Applikazzjoni għal Boroż ta’ Studju

pr1291
Date Icon 13/07/2010

Il-Ministeru ta’ l-Edukazzjoni, Xogħol u l-Familja, permezz tad-Direttorat għat-Tagħlim Tul il-Ħajja, għadu kif irċieva 492 applikazzjoni għal Boroż ta’ Studju taħt żewġ skemi:

·     għall-iStrategic Educational Pathways Scholarships (STEPS) li għalqet fil-15 ta’ Ġunju – 244 applikazzjoni  u

·     għall-Malta Government Scholarship Scheme (MGSS-PG) li għalqet fid-9 ta’ Lulju - 248 applikazzjoni.

Għalkemmnumru ta’ applikazzjonijiet kienu mingħand l-istess individwi li applikaw taħt iż-żewġ skemi, din is-sena l-MGSS attirat sezzjoni oħra ta’ studenti li sa issa qatt qabel ma kienu eliġibbli għall-boroż ta’ studju. Dan minħabba li għall-ewwel darba l-MGSS-Post Graduate kienet miftuħa wkoll għal dawk li fl-ewwel grad universitarju, il-marka kienet Second Class Lower.  Din kienet inizjattiva importanti biex aktar individwi jkunu jistgħu jkomplu jispeċjaliżżaw f’qasam ta’ għarfien.
Barraminn hekk, l-MGSS-PG kienet miftuħa għal dawk li jixtiequ jistudjaw għal Dottorat fuq bażi ta’ distance learning.  B’hekk, persuni li ma jistgħux jieqfu mix-xogħol kurrenti tagħhom, kif ukoll nisa u rġiel li għadhom qed jiffurmaw il-familja tagħhom, ma jkollhox xkiel milli jkomplu jispeċjaliżżaw fil-qasam tagħhom.
Inizjattiva oħra li ttieħdet fl-MGSS-PG kienet lidawk l-istudenti li xtaqu jagħmu riċerka f’istituzzjoni ta’ fama mondjali bħala parti mid-dottorat, dawn issa saru eliġibbli għal fondi.
Iż-żewġskemi ta’ boroż ta’ studju qed jiftħu opportunitajiet bla preċident għaż-żgħażagħ u adulti li jixtiequ jkomplu jkabbru l-għarfien tagħhom u b’hekk jkomplu jgħollu l-kwalità ta’ ħaddiema fid-dinja tax-xogħol.  Din hi ċ-ċavetta ta’ suċċess f’ekonomija mibnija fuq l-għarfien u sabiex inżidu l-kompetittività tagħna.
Matul ix-xhur tas-sajf,  żewġ bordijiet maħturanill-Ministru ta’ l-Edukazzjoni ser jibdew jintervistaw lill-applikanti kollha eliġibbli.  Dan l-eżerċizzju mistenni jdum għaddej sa nofs Settembru, sakemm jiġu ppubblikati r-rankings.
Għall-boroż ta’ studju taħt l-iskema STEPS, hemmdisponibbli s-somma ta’ €3 miljun ewro.  Din l-iskema hija ko-finanzjata mill-Unjoni Ewropea.
Għall-boroż ta’ studju taħt l-iskema MGSS-PG,il-Gvern Malti qed jinvesti €466,000.
Iridjingħad li minn din is-sena l-Ministeru ta’ l-Edukazzjoni, Xogħol u l-Familja nieda skema oħra ta’ boroż ta’ studju li hi mmirata għal dawk li jixtiequ jispeċjaliżżaw f’xi qasam ta’ l-arti.  Din hi inizjattiva oħra imporanti li għandha taghti spinta kbira lill-industrija ta’ l-arti kreattiva f’Malta. Ir-rebbieħa ta’ dawn il-boroż ta’ studju fil-qasam ta’ l-arti mistennija li jitħabbru kmieni x-xahar id-dieħel.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow