Left arrow Mur Lura

ĦIDMA BIEX IR-ROĦS FIL-PREZZIJIET TAL-MEDIĊINI JKUN ASSIGURAT

pr1275
Date Icon 09/07/2010
Id-Dipartimentgħall-Konsumatur u l-Kompetizzjoni qed iwettaq eżerċizzju biex jassigura li t-62 mediċina li tħabbar roħs fuqhom qed jinbiegħu bil-prezz il-ġdid. Fl-eżerċizzju li qed isir instab li l-ispiżeriji li xtraw konsenji ġodda qed ibiegħu dawn il-mediċini skont il-prezz imħabbar fil-lista ppubblikata fit-2 ta’ Lulju li għadda. Numru ta’ spiżeriji għad fadlilhom numru żgħir ta’ mediċini li kienu nxtraw bil-prezz għoli u għaldaqstant dawn jistgħu jinbiegħu bil-prezz l-antik.
L-uffiċjali tad-Dipartimentli qed iżuru l-ispiżeriji qed jivverifikaw il-prezz tal-mediċini, b’mod partikolari ta’ dawk il-mediċini li huma meqjusa li jinbiegħu l-aktar. Fejn jinstab li din il-mediċina ma tkunx raħset, tintalab il-kwantita’ ta’ stokk li għandha l-ispiżerija. Jekk ikun hemm xi suspetti li l-ammont m’huwiex minnu, tiġi verifikata l-kwantita’ li l-ispiżerija għandha. Kien hemm ukoll kuntatti mal-importaturi tal-mediċini biex jiġi vverifikat liema spiżeriji xtraw stokk ġdid u ta’ liema mediċini.
Il-verifiki fl-ispiżerijiqed isiru wkoll biex tkompli tinġabar informazzjoni fuq mediċina oħra li l-prezz tagħha qed jiġi investigat. Il-programm hu flessibbli għall-aħħar sabiex jagħti ċ-ċans li jiġu investigati fl-iqsar żmien possibbli l-ilmenti li qed jidħlu mill-konsumaturi.
Ir-roħs fuq it-62mediċina li jinsabu fil-lista ppubblikata fit-2 ta’ Lulju li għadda, ivarja bejn 6% u 67%. Il-prezzijiet il-ġodda huma effettivi b’mod immedjat fuq konsenji ġodda. Il-biċċa l-kbira tal-mediċini li roħsu jintużaw, f’xi każi fit-tul, biex jikkuraw mard u kundizzjonijiet li f’pajjiżna huma mifruxin sew, bħall-kolesterol għoli, anġina, pressjoni għolja, dijabete u l-marda tal-Parkinson’s. Mediċini oħra jikkuraw infezzjonijiet virali bħall-ġidri u l-ħruq ta’ Sant’Antnin. Oħrajn jittieħdu minn persuni li jbatu bl-aċidu fl-istonku, bl-ulċeri, u minn dgħufija fl-għadam.
Sadanittant it-taħditietbejn il-Gvern u l-importaturi qed ikomplu, bl-għan ewlieni jkun li f’qasir żmien jitħabbar roħs fil-prezzijiet ta’ aktar mediċini.
Il-mira tal-Gvern hili f’Malta jkun hawn aktar stabbilita’ fil-prezzijiet tal-mediċini. L-istrateġija biex din il-mira tintlaħaq li bbażata fuq żewg fronti: soluzzjoni fl-immedjat li twassal biex ikun hemm roħs ta’ prodotti mediċinali biex jiġu skont il-medja Ewropea; u soluzzjoni fit-tul li tinvolvi r-reviżjoni tal-mekkaniżmu eżistenti biex dan ikun addattat għaċ-ċirkustanzi tal-lum u biex jagħti stabbilta’ fil-prezzijiet tal-mediċini fuq perjodu fit-tul.
Min jixtieq aktarinformazzjoni jista’ jċempel fuq il-linja 21446446. Il-linji tat-telefon se jkunu miftuħa mit-Tnejn sal-Ġimgħa bejn it-8.00am u t-8.00pm. Is-Sibt u l-Ħadd il-linji jkunu miftuħa sas-1.00pm.

Jistgħu wkoll jintbagħtu emails fuq medicines@gov.mt.  Aktar informazzjoni tinkiseb ukoll mis-sit elettroniki www.doi.gov.mt

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow