Young Enterprise - benniena għan-negozji ta’ għada
pr1273
09/07/2010
| Is-Segretarju | Parlamentari għal Negozji Żgħar u Artijiet Jason Azzopardi il-bieraħ ippresieda ċ-ċerimonja tal-għoti tal-Awards tal-Junior Achiever (Young Enterprise) Malta 2010. Waqt iċ-ċerimonja, li seħħet f’lukanda ewlenija f’San Ġiljan, huwa ppreżenta lill-kumpanija ‘Rewined’ mill-Kulleġġ De La Salle il-premju ta’ l-aqwa kumpanija tas-sena, biex b’hekk fil-ġimgħat li ġejjin ser jirrappreżentaw ‘l Malta f’Cagliari fl-Italja, fil-kompetizzjoni internazzjonali tal-Junior Achiever. |
| Jason Azzopardi qal li | Young Enterprise għall-aħħar 22 sena, ħadet numru mdaqqas ta’ studenti mill-kulleġġi tas-Sixth Form tagħna, u dewqithom togħma tal-esperjenza intraprenditorjali. Huwa qal li f’din l-esperjenza, il-parteċipanti jitgħallmu ħiliet, bħal kif jiġi ddiżinjat prodott, kif wieħed jasal biex jipproduċi prototype, kif wieħed iħaddem linja ta’ produzzjoni, u kif tirreklama l-prodott. |
| Iżjed minn hekk, dawn | iż-żgħażagħ jieħdu magħhom tagħlimiet iżjed importanti ta’ kif wieħed jaħdem bħala parti minn grupp, kif titgħallem tirrispetta deadline, u kif titgħallem tqum wara telfa, u terġa’ tibda mill-bidu. L-importanza ta’ din l-esperjenza mhix daqstant li wieħed jirbaħ, iżda li jipparteċipa u jitgħallem kemm jiflaħ. |
| Il-Gvern jaħdem qatigħ | favur kumpaniji żgħar u li għadhom jibdew. Is-Segretarju Parlamentari semma kif il-Gvern ta’ kull sena, joħloq u jsostni għadd ta’ inċentivi u miżuri favur it-tkabbir tas-settur tan-negozji żgħar tagħna, favur il-ħolqien ta’ iżjed xogħol. |
| Għalhekk joħroġ naturali | li l-Gvern isostni inizjattivi bhal Young Enterprise li b’konsistenza idakkru s-sens intraprenditorjali fiż-żgħażagħ tagħna. Jason Azzopardi qal li għalhekk il-Gvern jinsab bħalissa kommess li jgħin ‘l Young Enterprise billi jipprovdilhom proprjeta’ ġdida li sservihom bħala uffiċju amministrattiv, kif ukoll post fejn ikunu jistgħu isiru laqgħat ta’ informazzjoni għall-istudenti li jipparteċipaw. Huwa qal li l-proċess jinsab miexi, u huwa konvint li ser isib konkluzjoni favorevoli f’qasir zmien. |
| Fl-aħħar is-Segretarju | Parlamentari Jason Azzopardi feraħ lill-11-il kumpanija li ħadu sehem fil-kompetizzjoni għax-xogħol tagħhom. Huwa feraħ lill-organizzazzjoni ta’ Young Enterprise li għal darb’oħra kienet strumentali biex jintlaħaq livel tant għoli ta’ kreattivita’ u prodott. |
| Huwa qal li l-Young | Enterprise hija l-benniena tan-negozji ta’ ghada. Ghal darb’ohra, f’dawk il-workshops ta’ Young Enterprise zrajna z-zerriegha, li bla dubbju ser tirrizulta f’investiment dirett ghat-tkabbir ekonomiku ta’ ghada. |
| Il-kumpanija Rewined | minn De La Salle College tipproduci platters originali minn fliexken tal-inbid irriciklati. |
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990