Left arrow Mur Lura

STQARRIJA

PR1185
Date Icon 25/06/2010

Politika ta’ solidarjeta’ biex ħadd ma jibqa’ lura

Il-Gvern b’dispjaċir jinnota li l-Kap tal-Oppożizzjoni Joseph Muscat, għal darb’oħra, għażel li ma jkunx onest mas-sewwa u l-verita’. Hu għażel li jinjora dak li qal il-Prim Ministru biex joħloq stqarrija partiġġjana għall-aħħar.

Il-Kap tal-Oppożizzjoni qiegħed jimmiżinterpreta wkoll l-istħarriġ tal-Eurobarometer. Għas-sensazzjonaliżmu politiku, fost l-oħrajn il-Kap tal-Oppożizzjoni naqas milli jagħmel differenza bejn ir-realta’, il-perċezzjoni, riskju ta’ faqar u faqar reali. Id-differenza bejniethom hi bażika, elementari u essenzjali biex issir analiżi serja. Madanakollu l-Kap tal-Oppożizzjoni ma tinteressahx il-politika ta’ serjeta’ u ta’ sustanza u dejjem jagħżel l-opportuniżmu politiku.

Filwaqt li pajjiżi oħra qed inaqqsu l-benefiċċji soċjali, jiffriżaw il-pagi u jnaqqsu l-investiment fil-qasam soċjali, f’pajjiżna l-Gvern qed jinvesti aktar f’dawn l-oqsma biex ħadd ma jibqa’ lura.

Quddiem il-kriżi ekonomika u finanzjarja internazzjonali pajjiżi oħra għandhom rekord ta’ żbilanċ u qgħad. F’pajjiżna il-Gvern miexi b’politika ta’ għaqal u responsabblita’ biex qed jiġbed aktar investiment lejn pajjiżna u jinħoloq aktar xogħol għaż-żgħażagħ u l-ħaddiema, u jżomm id-defiċit u l-qgħad taħt kontroll.

Il-Gvern qiegħed iwettaq politika ta’ solidarjeta’ u ġustizzja soċjali biex ħadd ma jaqa’ lura.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow