Left arrow Mur Lura

IN-NUNZJU APOSTOLIKU GĦAL MALTA JŻUR IR-RESIDENTI FIL-FAĊILITÀ KORRETIVA TA’ KORDIN

PR1141
Date Icon 18/06/2010

Ftit tal-jiem ilu, l-E.T. Mgr. Tommaso Caputo, Nunzju Apostoliku għal Malta għamel żjara uffiċċjali fil-Faċilità Korrettiva ta’ Kordin fejn ippreżenta ittra uffiċċjali mingħand il-Qdusija Tiegħu l-Papa Benedittu XVI lir-residenti tal-Faċilità.

Waqt it-tħejjijiet għall-miġja tal-Papa fil-gżejjer Maltin, numru ta’ residenti fil-Faċilità kienu kitbu ittra lil-Qdusija Tiegħu li fiha laqgħuh fostna u talbuh jiftakar fihom fit-talb tiegħu. Ftit jiem wara li ntemmet iż-żjara tal-Qdusija Tiegħu, l-awtoritajiet Ekkleżjastiċi ta’ Malta infurmaw lill-kappillan tal-Faċilità, Fr. Franco Fenech, Franġiskan Kapuċċin, bit-tweġiba li l-Papa bagħat lir-residenti kollha. L-ittra nnifisha ġiet ippreżentata lir-residenti min-Nunzju Appostoliku għal Malta waqt quddiesa li ġiet iċċelebrata fil-kappella prinċipali fejn ipparteċipaw residenti min-nazzjonalitajiet differenti.

Fil-ħsieb tiegħu, in-Nunzju Appostoliku rringrazzja lir-residenti għat-talb tagħhom u ħeġġiġhom sabiex isaħħu l-fidi tagħhom f’Alla speċjalment waqt mumenti ta’ tbatija bħal dawk li jkunu għaddejjin minnhom waqt li jkunu qed jiskontaw il-piena ta’ ħabs tagħhom.

Kif intemmet il-quddiesa, l-E.T. Mgr. Caputo inawgura u bierek monument li jfakkar l-uffiċċjali li ħallew din id-dinja tul iż-żmien. F’kelmtejn għall-okkażjoni, l-Aġent Direttur Abraham Zammit fakkar dwar l-impenn li kull uffiċċjal korrettiv għandu lejn ir-riforma tar-residenti, u saħaq li minkejja l-ambjent diffiċli, l-uffiċċjali korrettivi għandhom tassew ikunu kburin bis-servizz li qegħdin joffru lis-soċjetà.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow