Left arrow Mur Lura

MESSAĠĠ MILL-ONOR MARIO GALEA, SEGRETARJU PARLAMENTARI GĦALL-ANZJANI U KURA FIL-KOMUNITA`, FL-OKKAŻJONI TAL-JUM IDDEDIKAT BIEX TITQAJJEM KUXJENZA DWAR L-ABBUŻ TAL-ANZJANI, LI SE JIĠI MFAKKAR GĦADA T-TLIETA 15 TA' ĠUNJU 2010

PR1106
Date Icon 14/06/2010

Il-maġġoranza assoluta tal-poplu Malti għadha tgħożż l-anzjani tagħna. Dan huwa valur nobbli li writna mingħand missirijietna. Ma nistgħu qatt ninsew li kienu l-anzjani tagħna li bnew u sawru dan il-pajjiż. Aħna x’aħna u aħna min aħna llum hu mertu tagħhom ukoll.

Imma sfortunatament kultant jiġu rrappurtati lilna xi abbużi fuq l-anzjani. L-abbuż jista’ jkun fiżiku, psikoloġiku, finanzjarju, soċjali, ta’ abbandun u saħansitra abbuż sesswali. Meta d-Dipartiment tal-Anzjani u Kura fil-Komunita` isir jaf b’dawn l-abbużi jintervjeni mill-ewwel u jieħu l-passi li fiċ-ċirkostanzi jkunu xierqa.

Matul din is-sena qed nippjanaw biex inżidu s-sapport lill-qraba li jieħdu ħsieb l-anzjani tagħhom id-dar. Sadattant filwaqt li nsellmu u nirringrazzjaw lil min qed jieħu ħsieb il-qraba anzjani rridu nfakkru fl-obbligu tagħna wkoll li nirrappurtaw kull suspett ta’ abbuż lid-Dipartiment. Ma għandna qatt ninsew li l-anzjani għandhom vuċi tagħhom u nagħmlu sew jekk kultant nifqu u nisimgħuhom.

Ta’ min jgħid li s-Segretarjat Parlamentari għall-Anzjani u Kura fil-Komunita` qed iħejji rapport biex l-anzjani jkunu aktar protetti min kull possibilita` ta’ abbuż. B’dan il-ħsieb id-Dipartiment tal-Anzjani u Kura fil-Komunita` llum qiegħed jorganizza konferenza biex tiddiskuti din it-tema u tagħti l-okkażjoni li diversi professjonisti jaqmsu l-esperjenzi differenti tagħhom f’dan ir-rigward.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow