IS-SEGRETARJU PARLAMENTARI JASON AZZOPARDI JILTAQA’ MAL-ISTUDENTI TAL-MCAST
Bħala parti mill-attivitajiet tal-Ġimgħa Ewropea iddedikata għan-Negozji Żgħar u Medji, is-Segretarju Parlamentari Jason Azzopardi illum kellu laqgħa mal-istudenti tal-Kullegg Malti tal-Arti, Xjenza u Tekonologija, l-MCAST ġewwa Raħal Ġdid. Il-laqgħa kienet waħda minn sensiela ma’ studenti minn kulleġġi u istituzzjonijiet edukattivi differenti maħsuba li jwasslu informazzjoni dwar karriera intraprenditorjali għand l-imprendituri potenzjali ta’ għada.
Jason Azzopardi tkellem dwar l-opportunitajiet li jeżistu f’dan is-settur. Huwa saħaq li il-Gvern joffri għajnuna konkreta permezz ta’ bosta entitajiet, bil-ħsieb jibqa’ dejjem wieħed li jkompli jgħin lin-negozji żgħar tagħna, kif ukoll ikun ta’ sostenn għal dawk l-individwi li jkunu jixtiequ jibdew u jarmaw negozju.
Ġewwa l-MCAST f’Raħal Ġdid, illum kien hemm ukoll l-Enterprise Mobile Unit li din il-ġimgħa ukoll kien qed idur kulleġġi differenti. Uffiċjali mill-Malta Enterprise, Dipartiment tal-Kummerċ, Korporazzjoni tax-Xogħol u t-Taħriġ, l-Awtorita Maltija tat-Turiżmu, u l-Ministeru tal-Finanzi l-Ekonomija u Investiment wasslu informazzjoni u wieġbu mistoqsijiet ta’ studenti li huma mħajjra jaqbdu t-triq tal-intraprenditorija.
Jason Azzopardi ħeġġeġ ’l istudenti biex jaqbdu it-triq tal-intraprednitorija li toffri sodisfazzjonijiet kbar, fil-waqt li jistħarrġu dwar l-opportunitajiet li joffri l-Gvern.
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990