Left arrow Mur Lura

KUMITATI AMMINISTRATTIVI B’RESPONSABBILTAJIET FINANZJARJI DIRETTI

PR0922
Date Icon 20/05/2010

Is-Segretarjat Parlamentari responsabbli mill-Kunsilli Lokali jtenni li s-16-il Kumitat Amministrattiv fil-gżejjer Maltin

• se jkollhom għad-dispożizzjoni tagħhom 1.8 miljun ewro fis-sena (ċifra bbażata fuq l-allokazzjoni tal-2010);

• se jingħataw aċċess għal flus minn fond speċjali li se jitwaqqaf apposta biex jintuża minnhom tul l-ewwel sitt xhur tal-ħidma tagħhom;

• se jkunu jistgħu japplikaw biex jużaw waħda min-numru kbir ta’ skemi ta’ għajnuna amministrati mid-Dipartiment għal Gvern Lokali;

• se jkollhom aċċess għall-Fond għall-Iżvilupp Urban;

• u qed ikunu mħeġġa japplikaw biex jużaw il-fondi tal-Unjoni Ewropea (se jingħataw għajnuna b’xejn biex jagħmlu dan).

Il-budget ta’ 1.8 miljun ewro li jinsab għad-dispożizzjoni tal-Kumitati Amministrattivi se jkun jista’ jintuża biss fi proġetti u f’inizjattivi li jitwettqu fil-konfini tal-Kumitati Amministrattivi. Il-Kunsilli Lokali m’għandhom l-ebda dritt jużaw dawn il-fondi fuq inħawi oħra tal-istess lokalitajiet li ma jkunux jinsabu fil-konfini tal-Kumitati Amministrattivi rispettivi.

Sakemm il-Kumitati Amministrattivi ma kienux jeżistu, il-Kunsilli Lokali setgħu jużaw dawn il-flus biex jagħmlu proġetti f’liema parti tal-lokalita’ tagħhhom riedu. Issa d-deċiżjoni finali fuq l-użu ta’ dawn il-flus taqa’ f’idejn il-Kumitati Amministrattivi.

Dan juri kemm l-interessi tal-komunitajiet u tal-Kumitati Amministrattivi li jirrappreżentawhom qed jingħataw l-importanza li jixirqilhom.

Is-Segretarjat Parlamentari responsabbli mill-Kunsilli Lokali ifakkar li d-deċiżjonijiet tal-Kumitati Amministrattivi huma finali u ma jistgħux jinbidlu mill-Kunsilli Lokali li jiġu fuqhom.

Dan jgħodd sakemm ix-xogħlijiet jew inizjattivi proposti mill-Kumitati Amminstrattivi ma jkunux illegali, u sakemm ikun hemm fondi biżżejjed fil-budget allokat lilhom biex jitwettqu inizjattivi f’dik il-lokalita’.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow