ESTENZJONI GĦALL-ĠBIR U MILI TA’ FORMOLI TA’ REĠISTRAZZJONI TAL-L-ISKEMA TAL-ISPIŻERIJA TAL-GĦAŻLA TIEGĦEK
Id-Dipartiment tal-Ispiżerija tal-Għażla Tiegħek jixtieq jinfoma lill-pazjenti li huma ntitolati għall-mediċina b’xejn mingħand il-Gvern u, li s-soltu jiġbru l-mediċini tagħhom mill-Ispiżerija tal-Isptar Ġenerali ta’ Għawdex, li minħabba r-rispons kbir li kien hemm mill-pubbliku, iż-żmien għar-reġistrazzjoni ġie estiż sal-31 ta’ Mejju 2010.
Id-Dipartiment tal-Ispiżerija tal-Għażla Tiegħek jixtieq jinforma lill-pazjenti li l-Formola tar-Registrazzjoni għall-‘Ispiżerija tal-Għażla Tiegħek’ tista tiġi ffirmata kemm mit-tabib/a privat/a kif ukoll mit-tobba taċ-Ċentru tas-Saħħa / l-Ispiżerija tal-Isptar Ġenerali ta’ Għawdex.
Pazjenti li għandhom il-Kartuna s-Safra u d-Dijabetiċi biss għandhom jirreġistraw ma’ din l-Iskema.
Il-Formola tar-Registrazzjoni mimlija għandha tittieħed lura għand l-ispiżerija li l-pazjent ikun irregistra magħha. Flimkien mal-Formola tar-Registrazzjoni l-pazjent għandu jibgħat ukoll kopji tal-Kartun u l-permessi kollha li jintitolawh għal mediċini b’xejn.
Għar-Reġistrazzjoni għandha tintuża BISS il-formola uffiċjali pprovduta mid- Dipartiment tal-Ispiżerija tal-Għażla Tiegħek.
Min għandu bżonn aktar informazzjoni għandu jċempel fuq 2244 1800 jew 2210 6350.
Lista Spiżeriji f’Għawdex
DOI – 19.05.2010
Spiżeriji f’Għawdex
1. Lauretana Pharmacy - 36, Triq l- Mġarr, Għajnsielem
2. Sokkors Pharmacy - Triq San Girgor, Kercem
3. Tony's Pharmacy - Triq l- Qbajjar, Marsalforn
4. Nadur Pharmacy - Pjazza 28 ta’ April 1688, Nadur
5. Vella Pharmacy - 15, Triq 13 ta' Diċembru Nadur
6. St. Joseph Pharmacy - 28, Pjazza San Gużepp, Qala
7. Pisani Pharmacy - N.B. Triq Sannat, Sannat
8. Abela's Pharmacy - 42, Triq De Soldanis, Rabat
9. Batu Pharmacy - 38, Triq il- Palma, Rabat
10. Castle Pharmacy - 2, Pjazza Indipendenza, Rabat
11. Palm Pharmacy - 2, Triq il- Palma, Rabat
12. Tac-Cawla Pharmacy - ‘Marga’, Triq Dr. A. Tabone, Rabat
13. Joyce's Pharmacy - Vjal it- 8 ta’ Settembru, Xaghra
14. Xaghra Pharmacy - Triq il- Knisja, Xaghra
15. Gozo Chemists - Triq l- Mġarr, Xewkija
16. St. John's Pharmacy - 85, Triq l-Indipendenza, Xewkija
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990