STQARRIJA TAL-MINISTERU GHAL-GHAWDEX
Il-Ministeru għal Għawdex kommess li jinstab min wettaq ir-rimi illegali ta’ skart tal-kostruzzjoni
B’referenza għal rapporti li dehru fil-media tal-lum il-Ħadd 9 ta’Mejju dwar rimi llegali ta skart tal-kostruzzjoni fid-Dwejra f’Għawdex, il-Ministeru għal Għawdex jikkonferma li qed jaħdem mill-qrib tal-forzi ta l-ordni kif ukoll ta’ l-Awtorita` Maltija għall-Ambjent u l-Ippjanar sabiex jinstab min rema dan l-iskart b’mod abbużiv u llegali. Il-Ministeru ħa azzjoni immedjata malli sar magħruf dan l-att illegali. Din mhix l-ewwel darba li l-Ministeru kellu jieħu azzjoni simili biex inaddaf sit ambjentali wara li dan jisfa vittma tà irresponsabilta` ta’ wħud li m’għandhomx lil Għawdex u l-ambjent għal qalbhom. Il-Ministeru għal Għawdex itenni l-impenn tal-Gvern li jagħmel minn Għawdex gżira ekologika, li mhux biss tibża għall-ambjent naturali tagħha iżda talli tkompli ttejjeb il-prodott turistiku permezz ta ambjent nadif u protett. Dawn l-atti irresponsabli u godardi mhux talli ma jaqtgħux qalb il-Ministeru għal Għawdex iżda jsaħħu l-impenn tiegħu fil-ġlieda kontra dawn l-abbużi. Huwa f’dan l-ispirtu li l-Ministeru qed jikkollabora mal-Pulizija biex jinstab min wettaq dan l-att illegali u vandalu.
DOI - 09.05.2010
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990