Left arrow Mur Lura

JITKOMPLA L-PROĊESS TA’ KONSULTAZZJONI DWAR IR-RIFORMA TAL-POLITIKA TAS-SAJD KOMUNI TAL-UNJONI EWROPEA

PR0829
Date Icon 08/05/2010

Il-konsultazzjoni dwar ir-riforma tal-Politika tas-Sajd Komuni tal-Unjoni Ewropea kienet fiċ-ċentru tad-diskussjoni waqt laqgħa informali tal-Kunsill tal-Ministri Ewropej għas-Sajd li saret f’dawn il-jiem f’Vigo fi Spanja.

Meta intervjena f’isem Malta, l-Ministru għar-Riżorsi u l-Affarijiet Rurali George Pullicino elenka erba’ punti ta’ interess partikolari f’din ir-riforma li trid tiġi implimentata. Pullicino qal li din ir-riforma trid tkun ibbażata fuq il-prinċipju tal-immaniġġjar sostenibbli sas-sena 2015. Dan jorbot mal-impenn li kienet għamlet l-Unjoni Ewropea waqt is-Summit Dinji tal-Iżvilupp sostenibbli li kien sar f’Johannesburg f’Settembru tal-2002.

Il-Ministru Pullicino qal li r-riforma trid tara li jkun hemm sinerġija ma’ policies oħrajn, bħalma hi dik marittima. Fl-istess waqt, Malta temmen li hemm lok għal sehem ikbar tar-Regional Advisory Council (RAC), speċjalment fejn jidħlu tfassil ta’ pjanijiet multi-annwali ta’ qbid ta’ ċertu speċi ta’ ħut ma’ pajjiżi terzi.

Ir-riċerka fis-setturi tal-akwakultura ukoll hija ta’ importanza partikolari u dan minħabba d-domanda dejjem tikber tal-konusmaturi. Dawn l-industriji għandhom jibqgħu jiġu mgħejjuna fl-iżvilupp ta’ diversifikazzjoni ta’ speċi, l-aħħar teknoloġij eżistenti ħalli jonqos l-impatt ambjentali u titjib fin-nutrizzjoni tal-ispeċi biex ikun hemm dipendenza inqas fuq żjut u ikel iħeor tradizzjonali tal-ħut.

Il-Ministru George Pullicino tenna wkoll fuq il-bżonn li l-Kummissjoni Ewropea tirrikonoxxi r-rwol importanti soċjo-ekonomiku tal-flotot żgħar bħal tagħna li jgħixu mal-kosta.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow