IL-PRIM MINISTRU JZUR LILL-PRESIDENT FL-ISPTAR MATER DEI
Il-lejla l-Prim Ministru Lawrence Gonzi żar lill-President ta’ Malta George Abela fl-iSptar Mater Dei.
Il-Prim Ministru awgura lill-President fejqan ta’ malajr u esprima t-tama li l-President jirritorna għall-attivita’ pubblika fl-iqsar żmien possibbli.
Il-Prim Ministru esprima l-apprezzament tiegħu għall-għajnuna li ngħatat mill-Gvern Ċiniż matul il-perijodu li l-President kien qiegħed jingħata kura fiċ-Ċina u għall-għajnuna li ngħatat biex il-President ikun jista’ jirritorna pajjiżna biex ikompli l-kura l-Isptar Mater Dei.
Il-Prim Ministru rringrazzja wkoll lill-awtoritajiet tas-saħħa u lill-istaff mediku fl-iSptar Mater Dei li kien qiegħed f’kuntatt mal-awtoritajiet mediċi fiċ-Ċina biex il-President ikun jista’ jkompli bil-kura f’Malta.
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990