FINALI TAL-GOZO EQUINE CUP
Folla sabiħa ta’ Maltin u Għawdxin attendiet għal finali tal-Gozo Equine Cup li saru fil-korsa Ta’ Xħajma f’Għawdex il-bieraħ. Il-Gozo Equine Cup hija kompetizzjoni ġdida organizzata mill-Gozo Horse Racing Association bil-kollaborazzjoni tas-Segretarjat Parlamentari għall-Konsumatur, Kompetizzjoni Ġusta, Kunsilli Lokali u Konsultazzjoni Pubblika.
Il-meeting tal-bieraħ kien jikkonsisti f’finali tal-klassijiet A1, A, B u C/D flimkien ma’ tiġrijiet oħra tat-trott u tal-ponijiet. Fil-finali tal-Klassi A1 ikkompetew 5 żwiemel minn Malta u 2 minn Għawdex filwaqt li fi Klassi A kien hemm żewġ żwiemel minn Malta u 5 minn Għawdex. Fi Klassi B kien hemm seba’ żwiemel minn Għawdex u wieħed minn Malta u fi Klassi C/D kien hemm żiemel wieħed minn Malta u 8 minn Għawdex. Fi tmiem il-ġimgħa ta’ qabel kien hemm il-programm tal-heats u dan, bħal programm tal-bieraħ, ġibed għadd sabiħ ta’ dilettanti lejn il-korsa Ta’ Xħajma.
L-erba’ finali tal-bieraħ kienu tassew eċitanti u kumbattuti sal-aħħar tant li fil-finali tal-Klassi A kellna Death Heat, jiġifieri zewġt iżwiemel qabżu l-linja finali eżatt flimkien. It-tiġriiet l-oħra kienu nteressanti wkoll b’uħud minnhom ikunu bi tmiem tassew missielet.
Is-suċċess taż-żewġ programmi tal-Gozo Equine Cup jawgura tajjeb biex din il-kompetizzjoni issir appuntament annwali fil-kalendarju sportiv Għawdxi, u kemm il-Gozo Horse Racing Assoxiation u kif ukoll is-Segretarjat Parlamentari responsabbli mill-Kunsilli Lokali se jaħdmu biex din il-kopetizzjoni tkompli tikber u tissaħħaħ.
Fi tmiem il-finali ta’ kull klassi is-Segretarju Parlamentari Chris Said ipprezenta t-trofej u l-premijiet fi flus lir-rebbieħa.
Ir-rizultati kollha tal-bieraħ huma annessi.
... / pr0779a,
.../pr0779b.
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990