Left arrow Mur Lura

STQARRIJA TAL-UFFIĊĊJU TAL-PRIM MINISTRU

PR0726
Date Icon 26/04/2010

L-OPPOŻIZZJONI GĦAL AKTAR MINN 3 XHUR BAQGĦET MA NNOMINAT L-EBDA DEPUTAT FUQ KUMITAT PARLAMENTARI  

L-oppożizzjoni fl-istqarrija tagħha ammetiet, li wara tliet xhur li ġiet mitluba mill-Gvern biex tinnomina żewġ membri għall-Kumitat Parlamentari, baqgħet ma nnominat lill-ħadd.  Kien biss illum - wara tliet xhur u wara stqarrija pubblika oħra - li l-oppożizzjoni ħabbret l-ismijiet taż-żewġ deputati li se jservu fuq il-Kumitat u l-ismijiet taż-żewġ sostituti. 

Il-Gvern u l-oppożizzjoni kienu qablu li jitwaqqaf il-Kumitat Parlamentari biex jagħti l-pariri tiegħu lill-Ministru tal-Ġustizzja u l-Intern skont il-liġi.  Fuq it-twaqqif u x-xogħol tal-Kumitat kien hemm il-qbil bejn iż-żewġ naħat tal-kamra.   Dan il-qbil sar waqt dibattitu pubbliku li kien għaddej dwar is-suġġett. 

Għalhekk il-Gvern bi stqarrija pubblika, li kien ħareġ fl-20 ta’ Jannar 2010 kien talab lill-oppożizzjoni, immexxija mill-Kap tal-Oppożizzjoni, biex tagħżel il-membri min-naħa tal-oppożizzjoni biex iservu fuq dan il-Kumitat.  Minkejja li l-Oppożizzjoni, minn dakinhar ‘il quddiem, għamlet diversi diskorsi oħra dwar is-suġġett baqgħet qatt ma pproponiet l-ismijiet tad-deputati laburisti biex ikunu fuq dan il-kumitat.  Dan kien nuqqas li ġej min-naħa tal-Oppożizzjoni u mhux min-naħa tal-Gvern. 

L-istqarrija tal-Oppożizzjoni tal-llum, li tgħid li ma kienx hemm konsultazzjoni fuq kumitat li kien hemm qbil dwaru, hi biss skuża.  Skuża biex tipprova tgħatti n-nuqqas tagħha li għal tliet xhur sħaħ, minkejja d-diskorsi li għamlet fuq is-suġġett, baqgħet qatt ma tat lill-Gvern l-ismijiet tad-deputati min-naħa tal-oppożizzjoni biex iservu fuq il-kumitat parlamentari. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow