Left arrow Mur Lura

IL-KUMMISSARJU EWROPEW JOHN DALLI JILTAQA’ MAL-ISPEAKER LOUIS GALEA

PR0610
Date Icon 09/04/2010

Il-Kummissarju għall-Politika tas-Saħħa u l-Protezzjoni tal-Konsumatur, John Dalli, dalgħodu għamel żjara ta’ kortesija lil Mr Speaker, l-Onor. Louis Galea fl-Uffiċċju tiegħu fil-Parlament.

Il-Kummissarju John Dalli, filwaqt li awgura lil Louis Galea ħidma fejjieda fil-kariga l-ġdida ta’ Membru fil-Qorti Ewropea tal-Awdituri, fisser l-esperjenzi pożittivi tiegħu fil-kollaborazzjoni li qed ikollu mal-Parlament Ewropew.

Huwa spjega li fil-ħidma tiegħu jagħti l-ogħla konsiderazzjoni għad-dikjarazzjonijiet li jkunu qed isiru minn Membri Parlamentari Ewropej u mill-Gruppi Politiċi tagħhom, sew fil-Parlament kif ukoll barra. Is-Sur John Dalli fisser li l-Kummissjoni Ewropea hija mħejjija sew li tikkollabora mal-Parlament Ewropew fis-setgħat il-ġodda li kiseb bit-trattat ta’ Lisbona.

Min-naħa tiegħu l-iSpeaker Louis Galea irringrazzja lil John Dalli għaż-żjara tiegħu u qallu li japprezza ħafna l-fatt li sew hu kif ukoll il-Kummissjoni kollha jwettqu dan ir-rispett u kollaborazzjoni lejn il-Parlament. “Dan huwa essenzjali għall-istess leġittimità tal-Kummissjoni u tal-Unjoni Ewropea kollha kemm hi.

Illum il-Kummissjoni tinħatar bl-approvazzjoni tal-Parlament u lejh hi kontabbli fit-tmexxija tal-politika Ewropea u fl-implimentazzjoni tal-budget tagħha.” Louis Galea sostna li biex l-Ewropa jkollha vuċi li tiġi stmata fid-dinja jeħtieġ taħdem b’aktar kompatezza u konsistenza u biex dan iseħħ, jeħtieġ li l-istituzzjonijiet Ewropej flimkien mal-Istati Membri jkunu aktar effettivi fil-ħidma tagħhom milli kienu sal-lum.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow