Left arrow Mur Lura

Malta u l-Kroazja determinati li jsaħħu r-relazzjoni kummerċjali bejniethom

PR0601
Date Icon 08/04/2010

Il-Viċi Prim Ministru u Ministru tal-Affarijiet Barranin Tonio Borg qal li Malta u l-Kroazja għandhom potenzjal biex ikattru r-relazzjonijiet kummerċjali bejniethom, u sabiex joħolqu opportunitajiet ġodda ta’ investiment. 

Fil-Kroazja, il-Viċi Prim Ministru kellu taħditiet mal-Ministru tal-Affarijiet Barranin Kroat, Jadranka Kosor. Ir-relazzjonijiet bejn iż-żewġ pajjiżi huma meqjusa bħala eċċellenti. Fl-aħħar snin kien hemm żjarat bilaterali li komplew saħħew din ir-relazzjonijiet. Dr Tonio Borg saħaq li Malta u l-Kroazja għandhom jisfruttaw dawn ir-relazzjonijiet tajbin speċjalment fl-oqsma tal-investiment, il-kummerċ, it-turiżmu u l-kultura, u s-servizzi finanzjarji. 

Fit-taħditiet ġew diskussi aspetti politiċi fosthom li Malta hija favur Unjoni Ewropea miftuħa għal iktar stati. Dan iżda fuq il-premessa li l-istati aspiranti li jidħlu fl-Unjoni Ewropea jilħqu l-kriterji meħtieġa ta’ Kopenagen. F’dan ir-rispett Malta dejjem appoġjat id-dħul tal-Kroazja fl-Unjoni Ewropea. 

Il-Viċi Prim Ministru qal li negozjanti Maltin diġà rnexxilhom jistabilixxu kuntatti tajbin fil-Kroazja. Hemm għadd ta’ negozjanti li għandhom interessi fil-kostruzzjoni, l-kura tas-saħħa, fil-qasam marittimu u f’oqsma oħra. Għaldaqstant huwa essenzjali li ż-żewġ naħat jiskopru toroq ġodda ta’ kif jistgħu jinfetħu swieq ġodda biex jitkattar l-investiment u jinħolqu iktar impjiegi. 

Matul din iż-żjara il-Viċi Prim Ministru iffirma ftehim f’isem il-gvern Malti, liema ftehim jittratta l-oqsma tal-Kultura, l-Edukazzjoni u l-Koperazzjoni Xjentifika. 

Dr Tonio Borg semma wkoll il-kollaborazzjoni meħtieġa fl-istudji diplomatiċi permezz tal-Akkademja Mediterranja tal-Istudji Diplomatiċi, il-MEDAC. Huwa saħaq li jkun opportun għall-Kroazja,  li fil-futur tagħti l-kontribut tagħha fil-MEDAC. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow