Left arrow Mur Lura

SEMINAR KUMMERĊJALI FI TREVISO

PR0379
Date Icon 03/03/2010

L-Ambaxxata ta’ Malta fl-Italja pparteċipat f’seminar kummerċjali, li ġie organizzat flimkien mal-Malta Enterprise u l-Studio Lorenzo u Treviso Glocal, it-tnejn bażati fi Treviso. Is-Seminar sar fis-26 ta’ Frar fi Treviso. 

Aktar minn sebgħin intraprendituri Taljani attendew għal das-Seminar bit-tema MALTA:  Risposta Konkreta għall-Bżonnijiet Kummerċjali, Finanzjarji u Fiskali. Il-kelliema li ndirizzaw is-Seminar saħqu fuq l-opportunitajiet u inċentivi li toffri Malta lill-investituri prospettivi interessati fis-setturi ekonomiċi differenti.

Fid-diskors tiegħu s-Sur Walter Balzan, Ambaxxatur ta’ Malta f’Ruma, enfasizza, fost oħrajn, l-istabbilità politika u industrijali f’Malta kif ukoll il-kapaċitajiet għolja tal-ħaddiema Maltin.

Is-Seminar kien indirizzat ukoll, fost oħrajn, mis-Sindku ta’ Treviso, rappreżentanti ta’ l-organizzaturi kif ukoll rappreżentanti tal-Malta Enterprise u tal-Bank of Valletta.  Rappreżentant ta’ Azzurra Yachts Ltd., kumpannija Taljana li topera f’Malta ta informazzjoni rilevanti dwar l-esperjenza pożittiva tal-kumpanija f’Malta.

Fl-aħħar tas-Seminar intraprendituri Taljani kellhom laqgħat separati mar-rappreżentant tal-Malta Enterprise u ma’ konsulenti oħra finanzjarji li pparteċipaw fis-Seminar.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow