Left arrow Go Back

ATTIVITAJIET TAL-ĠIMGĦA MQADDSA MIS-SOCJETÀ FILARMONICA NAZIONALE LA VALLETTE

PR0371
Date Icon 03/03/2010

Illum fis-sede tas-Socjetà Filarmonica Nazionale La Vallette tnieda programm ta’ attivitajiet għall-Ġimgħa Mqaddsa li se jittella’ mill-istess soċjetà bejn l-24 ta’ Marzu u t-3 t’April f’diversi lokalitajiet madwar il-Belt Valletta.

Dan il-programm se jiftaħ b’wirja fuq skala nazzjonali bit-tema tal-Ġimgħa Mqaddsa fis-sede tas-soċjetà u jkompli b’diversi attivitajiet oħra tematiċi fosthom: ċenaklu ħaj, purċissjonijiet reliġjużi, mużika u letteratura, dramm tal-passjoni u baned minn numru ta’ lokalitajiet f’Malta u Għawdex.

Waqt it-tnedija ta’ dan il-programm, is-Segretarju Parlamentari għall-Konsumatur, Kompetizzjoni Ġusta, Kunsilli Lokali u Konsultazzjoni Pubblika, l-Onor. Chris Said faħħar l-inizjattiva tas-Socjetà La Vallette u qal li minbarra l-aspett reliġjuż dawn l-attivitajiet għandhom importanza kbira għax jesponu l-identità u l-kultura tagħna. Chris Said innota b’sodisfazzjon li l-attivitajiet imissu diversi aspetti tal-kultura tal-gżejjer Maltin fosthom il-kult reliġjuz, il-mużika, il-letteratura, l-arti, il-baned u aspetti oħra.

Is-Segretarju Parlamentari nnota kif il-partecipazzjoni f’dawn l-avvenimenti ġejja minn diversi lokalitajiet f’Malta u Għawdex. Huwa qal li s-Socjetà La Vallette mhux biss qed tiġbor flimkien aspetti kulturali minn lokalitajiet differenti iżda qed tieħu din il-kultura fit-toroq u qrib in-nies.

Il-Gvern mhux biss jemmen fl-importanza tal-kultura u l-identità Maltija iżda jemmen ukoll li dawn it-tradizzjonijiet qed joħolqu niċċa mportanti ħafna għat-turiżmu f’pajjiżna. Għal dan il-għan il-Gvern qed jappoġġja din l-attività biex tkompli tissaħħaħ din in-niċċa hekk vitali.

L-Onor. Chris Said faħħar il-Kunsill Lokali tal-Belt Valletta għall-involviment tiegħu f’din l-attività u aċċenna għas-support li ngħata mill-Kunsill Lokali tal-Floriana bħala eżempju ta’ kif kunsilli lokali għandhom jaħdmu flimkien u jappoġġjaw lill-għaqdiet tal-lokalità.

Il-President tas-Societa Filarmonica Nazionale La Vallette, is-sur Alfred Zahra spjega kif minn wirja fis-sede tas-soċjeta’, kibret biex issa saret tinkludi numru ta’ attivitajiet fit-toroq prinċipali tal-Belt Valletta.

Min-naħa tiegħu, s-sindku tal-Belt Valletta, Dr Alexei Dingli qal li l-kunsill lokali ħadem ħafna biex jissolvew il-problemi li jiltaqghu magħhom id-dilettanti tal-Ġimgħa Mqaddsa meta jiġu biex jorganizaw attivitajiet u jarmaw fil-Belt.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow