Left arrow Mur Lura

JIBDA PROĠETT PILOTA TA’ DIĠITIZZAZZJONI FL-ARKIVJU NOTARILI

PR0369
Date Icon 03/03/2010

Is-Segretarju Parlamentari għal Negozji Żgħar u Artijiet, l-Onor. Jason Azzopardi illum ħabbar proġett pilota ta’ diġitizzazzjoni ta’ uħud mill-eqdem dokumenti li jinsabu fl-Arkivju Notarili fi Triq San Kristofru fil-Belt Valletta. Il-ħsieb ta’ dan il-proġett, li qed isir b’kollaborazzjoni bejn l-Arkivju Notarili Malti u l-Hill Museum and Manuscript Library fi ħdan is-St John’s University, fl-Istati Uniti, huwa li permezz tal-fotografija diġitali, jiġu ppreservati dokumenti notarili mis-Seklu 16, filwaqt li jitpoġġew għad-dispozizzjoni ta’ riċerkaturi minn madwar id-dinja permezz tal-internet.

Jason Azzopardi qal li dan huwa pass kbir fid-direzzjoni t-tajba, għax għall-ewwel darba qed jittieħdu miżuri konkreti lejn preservazzjoni ta’ dan it-teżor li huwa minjiera ta’ informazzjoni dwar il-ħajja soċjali tal-Maltin tal-imgħoddi. Huwa faħħar il-ħidma tal-Kunsill għar-Riżorsi tal-Arkivju Notarili (NARC) li jaħdem mill-qrib tal-Arkivju Notarili b’mod volontarju u jistinka biex joħloq opportunitajiet bħal tal-lum.

Is-Segretarju Parlamentari tenna l-impenn tal-Gvern lejn il-preservazzjoni tal-wirt ta’ pajjiżna. Dan ukoll imur id f’id mal-politika ta’ sussidjarjeta’ u devoluzzjoni li jhaddem il-Gvern favur siti storiċi li għandhom jintużaw bl-iktar mod xieraq.

Il-proġett pilota ser jibda’ bil-preservazzjoni ta’ numru ta’ volumi mis-seklu Sittax, li ser isiru fuq numru ta’ ġimgħat. Dan il-proċess ser isir ukoll bil-kollaborazzjoni ta’ studenti mill-Kors tal-Librara u Arkivisti tal-Universita’ ta’ Malta. Meta jitlesta dan isir eżami tar-riżultati, bl-intenzjoni li jitkompla l-proċess fuq l-arkivji kollha b’mod sistematiku.

Il-preservazzjoni ssir billi jittieħed ritratt diġitali ta’ kull paġna fil-volumi, li jiġu elenkati f’database. Filwaqt li l-Arkivju Notarili jżomm kull dritt ta’ copyright, l-intenzjoni hija li fil-futur qrib dawn id-dokumenti diġitali jiġu mtella’ fuq l-internet għad-dispożizzjoni tar-riċerkaturi.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow