ATTIVITA’ TA’ TINDIF U TĦAWWIL TA’ SIĠAR FI TMIEM IL-ĠIMGĦA
Matul il-weekend li ġej, il-Ministeru għar-Riżorsi u l-Affarijiet Rurali se jkun qed jorganizza attivita’ ta’ tindif u tħawwil ta’ siġar endemiċi Maltin fi Ġnien Kottonera f’Bormla.
Għal din is-sena ġie deċiż li matul il-jum tas-Sibt tiġi mnaddfa ż-żona u tul il-jum tal-Ħadd, l-istess żona tkun imħawla bis-siġar. Hu kkalkulat li f’din il-parti ta’ Bormla hemm spazju għal elf siġra.
Waqt din l-attivita’ ser jingħataw qsari biodegradabbli b’żerriegħa ta’ siġar endemiċi għat-tfal kollha li ser jattendu din l-attivita’ kif ukoll se jitqassmu basktijiet tad-drapp. L-attivita’ tul il-ġranet tas-Sibt u tal-Ħadd ser tibda fid-9.00 a.m. u tibqa’ sejra sal-4.00 p.m.
Kulħadd huwa mistieden sabiex tul dawn il-jumejn, jagħmel il-parti tiegħu sabiex b’ambjent aktar nadif u b’aktar siġar; inħarsu saħħitna u nħarsu l-ambjent ta’ madwarna. Din l-attivita qed titella’ bl-għajnuna ta’ HSBC, BOV, FIMBANK, McDonalds, 3D Distributions, ST Microelectronics u Hilton Malta.
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990