Left arrow Mur Lura

LAQGHA IMPORTANTI F’RUMA BEJN MALTA, l-ITALJA U l-LIBJA DWAR IL-KWiSTJONI TAl-VISA BEJN L-EWROPA U l-LIBJA

PR0279
Date Icon 17/02/2010

F’laqgħa li għadha kif intemmet f’Ruma, bejn  il-Ministri tal-Affarijiet Barranin ta’ Malta, tal-Italja u tal-Libja, Tonio Borg,  Franco Frattini u Mousa Kousa,  ġew diskussi soluzzjonijiet possibbli għall-kwistjoni tal-visas bejn l-Ewropa u l-Libja, kif ukoll il-possibilita’ ta’ ftehim finali bejn l-Isvizzera u l-Libja.  Fil-fatt il-Ministru Libjan Mousa Kousa għandu jżur Madrid għal-laqgħa mal-Presidenza Spanjola dwar dan is-suġġett. Wara, huwa  jibqa’ sejjer Berlin fejn ser issir laqgħa bejn rappreżentanti tal-Gvern Libjan u dak Svizzeru.

Nhar il-Ħadd filgħaxija, il-Libja ħadet deċiżjoni li twaqqaf ċittadini miz-zona Schengen milli jidħlu fit-territorju tagħha. Dan wara li l-Isvizzera kienet oġġezzjonat għall-ħruġ ta’ visas lil 180 Libjan, fosthom anki ta’ nies prominenti. Dan ifisser li l-visas taz-zona Schengen ma setgħux jinħarġu lil dawn il-persuni mill-ebda pajjiż ieħor li jagħmel parti mis-sistema ta’ visas tax-Schengen.

F’kummenti li ta fi tmiem il-laqgħa, il-Viċi Prim Ministru u Ministru tal-Affarijiet Barranin, l-Onor. Tonio Borg stqarr li ġew diskussi diversi proposti għal soluzzjonijiet għal din il-problema, liema problema qiegħda tolqot kważi l-Unjoni Ewropea kollha.  

Il-Viċi Prim Ministru Tonio Borg li mar Ruma kmieni dalgħodu f’titjira minn Malta mal-Ministru Libjan, stqarr li kemm Malta kif ukoll l-Italja qed iwettqu sforz kbir sabiex il-Libja u l-Isvizzera  jiffirmaw ftehim, u appellaw sabiex tiġi rtirata l-lista tal-180 ċittadin Libjan li l-Isvizzera inseriet fis-sistema Schengen..

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow