Left arrow Go Back

KARNIVAL REĠJONALI TA’ GĦAWDEX 2010

PR0220
Date Icon 08/02/2010

Il-Kumitat għaċ-Ċelebrazzjonijiet Nazzjonali u Reġjonali f’Għawdex fi ħdan il-Ministeru għal Għawdex għal darba oħra se jorganizza programm sħiħ tal-karnival ta’ Għawdex mifrux fuq ħamest ijiem. Ser jingħata bidu għaċ-ċelebrazzjoni tal-Karnival Reġjonali ta’ Għawdex nhar il-Ġimgħa 12 ta’ Frar u mistennija jiġu fi tmiemhom it-Tlieta 16 ta’ Frar.

Id-dettalji tal-programm ġew ippreżentati mill-Onor. Giovanna Debono, Ministru għal Għawdex waqt konferenza tal-aħbarijiet li għaliha kien hemm preżenti wkoll is-Sindku tal-Belt Victoria, Dr Samuel Azzopardi u uffiċjali mit-taqsima tal-Kultura fi ħdan il-Ministeru għal Għawdex.

Waqt li ngħataw dettalji dwar il-programm ta’ din is-sena, il-Ministru Debono semmiet attività li ser tkun organizzata għall-ewwel darba proprju din is-sena. Is-Sibt filgħaxija, se tiġi organizzata La Notte in Maschera, fejn se jsiru attivitajiet diversi fil-pjazez u nħawi ewlenin tal-Belt Victoria. Se jispikkaw fost l-oħrajn nies lebsin kostumi sbieħ, relatati mal-karnival, mexjin fit-toroq, mużika, drama u ikel.

L-Onor Debono qalet li kull ma jmur il-Karnival ta’ Għawdex qed jirnexxielu jattira numru dejjem akbar ta’ Maltin li jiġu jqattgħu xi jiem fil-gżira ta’ Għawdex. Għalhekk il-Kunsill tal-Kultura fi ħdan il-Ministeru għal Għawdex huwa impenjat biex iżid mal-attrazzjonijiet naturali u b’hekk joħloq opportunitajiet ta’ divertiment li huma wkoll adattati għal dan iż-żmien tas-sena.

Aktar informazzjoni tista’ tinkiseb mill uffiċċju tal-Kultura fi ħdan il-Ministeru għal Għawdex fuq tel: 21556125 jew is-sit elettroniku: www.gozoculture.com.

Il-programm sħiħ għal Karnival ta’ Għawdex 2010 hu kif ġej:

Il-Ġimgħa 12 ta’ Frar 2010 
- Il-Karnival mit-Tfal għat-Tfal bis-sehem ta’ kumpaniji taż-żfin mill-iskejjel tal-Gozo College fi Pjazza Santu Wistin, Victoria li jibda bi sfilata minn Pjazza San Franġisk. Ħin: 10.00 a.m.
- Spettaklu tal-ftuħ tal-Karnival 2010 f’Għawdex fi Pjazza S. Wistin, Victoria bis-sehem tal-kumpaniji ta’ żfin, gruppi mużikali, maskri grotteski u karrijiet trijonfali. Dħul b’xejn. Ħin: 7.00 p.m.

Is-Sibt 13 ta’ Frar 2010 
- Defilè bis-sehem ta’ kumpaniji ta’ żfin mill-iskejjel tal-Gozo College minn Pjazza San Franġisk, Triq Palma, Triq ir-Repubblika għal Pjazza Indipendenza. Karnival tat-Tfal fl-enclosure ta’ Pjazza Indipendenza. Ħin: 10.00 a.m.
- La Notte in Maschera – Karnival ta’ bil-lejl b’varjetà ta’ attivitajiet għall-familja kollha, fiċ-ċentru storiku tal-Belt Victoria organizzat mal-Kunsill Lokali Victoria. Ħin: 7.30 p.m. Program dettaljat aktar ’l isfel

Il-Ħadd 14 ta’ Frar 2010
- Grand Defilè tul Triq il-Repubblika minn Pjazza Kennedy sa Pjazza Savina bis-sehem tal-kumpaniji ta’ żfin, gruppi mużikali, maskri grotteski u karrijiet trijonfali bi żfin u spettaklu karnivalesk fl-enclosure fi Pjazza Indipendenza, Victoria. Dħul fl-enclosure huwa bil-biljetti li jistgħu jinkisbu mill-Banca Giuratale mit-Tnejn 8 ta’ Frar 2010. Prezz €5. Ħin: 3.00 p.m.

It-Tnejn 15 ta’ Frar 2010
- Karnivali Lokali fl-irħula Għawdxin organizzati mill-Kunsilli Lokali tagħhom. Ħin: Ħinijiet diversi fil-għaxija.

It-Tlieta 16 ta’ Frar 2010
- Defilè – spettaklu tal-Final tal-Karnival ta’ Għawdex tul Triq ir-Repubblika bejn Pjazza Savina u Pjazza Kennedy fejn ikun hemm ukoll spettaklu ta’ żfin tal-kumpaniji parteċipanti fil-Karnival ta’ Għawdex 2010. Jieħdu sehem il-kumpaniji ta’ żfin, gruppi mużikali, maskri grotteski u karrijiet trijonfali. Ħin: 6.30 p.m.

LA NOTTE IN MASCHERA 
Is-Sibt 13 ta’ Frar 2010

Pjazza Indipendenza

7.30pm - 8.30pm 
Siegħa għat-tfal u l-kbar animati minn Miriam Christine Borg & kantanti żgħar

8.30pm – 9.30pm 
Spettaklu ta’ żfin ballroom minn Tony Laurence Ballroom Ensemble

11.00pm – 01.00am 
Kunċert kbir mill-Big Band Brothers. Mistiedna speċjali Chiara & Pamela

Pjazza Savina

7.00pm – 9.00pm 
Teatru tat-triq u animazzjoni oħra imtellgħa mill-Victoria Youth Local Council

Pjazza San Ġorġ

9.30pm – 11.00pm 
Kunċert ta’ mużika pop mill-Island Brass Band

Triq id-Dejqa

8.30pm – 9.30pm 
Mużika tradizzjonali għal żmien il-Karnival minn Ta’ Seguna Folk Group

9:30p.m. – 10:30p.m. 
Żfin ballroom minn koppji tat-Tony Laurence Ballroom Ensemble

10:30p.m. – 11:30p.m. 
Kanzunetti popolari Maltin minn Christabelle & Kevin

Triq il-Karmnu (parti t’isfel)

9.00pm – 10.30pm 
Toni Gauci (t-Tulitta) bil-kitarra

San Ġorġ tal-Ħaġar

8.30pm – 10:00pm 
Kant allegru mis-sopran Rosabelle Pavia akkumpanjata minn Joe Engerer fuq il-kitarra

10:00pm – 11:30pm 
”Il-Klassi” – kummiedja ta’ P.P. Grech imtellgħa mill-Kerċem Drama Group

Triq l-Arċ.Saver Cassar

9.00pm – 10.30pm 
“Preacher’s Corner” imtellgħa mill-Victoria Youth Local Council

Mat-toroq id-dojoq taċ-ċentru storiku tal-Belt Victoria

9.00pm – 11.00pm 
Parati ta’ personaġġi bil-kostum mit-Teatru Astra, Teatru Aurora, l-Oratorju Don Bosco, il-Kumpanija Spettaklu ta’ Rose u Christian Saliba u l-Kumpanija Spettaklu ta’ Doris u Joe Bugeja akkumpanjati mill-grupp mużikali ”Tama Tnabar”.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow