Left arrow Mur Lura

STQARRIJA MILL-MINISTERU TA’ L-EDUKAZZJONI, KULTURA, ŻGĦAŻAGĦ U SPORT

PR0195
Date Icon 03/02/2010

EBDA PRESSJONI FUQ GĦALLIEMA GĦAWDXIN

B’riferenza għall-allegazzjonijiet tal-Malta Union of Teachers, li saret xi pressjoni nġusta fuq għalliema fl-iskola Ninu Cremona ta’ Għawdex, id-Direttorat għal Servizzi Edukattivi jixtieq jikkjarifika l-fatti li ġraw b’konnessjoni ma’ laqgħa li saret fl-imsemmija skola.

Il-Kap tal-iskola Sekondarja Ninu Cremona fil-Kulleġġ Għawdex, jiċħad kategorikament li għamel xi pressjoni nġusta fuq l-għalliema tiegħu biex jattendu din il-laqgħa.

F’din l-iskola hemm 170 student li għandhom bżonn arranġamenti speċjali waqt l-eżamijiet minħabba diversi diffikultajiet li għandhom fit-tagħlim.

L-amministrazzjoni tal-iskola dehrilha li fid-dawl tan-numru ta’ diffikultajiet li qajjmu l-għalliema, il-Learning Support Assistants u ġenituri dwar dawn l-arranġamenti speċjali, u kif se jkunu mplimentati, kien imperattiv li ssir laqgħa biex jingħataw il-kjarifiki meħtieġa, għax fuq kollox fin-nofs kien hemm l-interess tal-istudenti nfushom.

L-għalliema u l-Learning Support Assistants għamlu mistoqsijiet ferm importanti dwar x’tip ta’ għajnuna kellha tingħata lil dawn l-istudenti.

Billi dan kien jolqot lil numru konsiderevoli ta’ għalliema u Learning Support Assistants, issejħet laqgħa urġenti, li kienet biss u esklussivament dwar dawn id-diffikultajiet u li ħarset biss lejn il-ġid tal-istudenti waqt l-eżamijiet li se jsiru.

Il-laqgħa bdiet fis-1.10 p.m. u ntemmet fis-1.45 p.m. L-attendenza għaliha kienet fuq bażi volontarja u fil-fatt attendew il-maġġoranza tal-għalliema u l-learning support assistants. Fil-fatt żewġ membri biss mill-istaff tal-iskola m’attendewx għal din il-laqgħa u wieħed minn dawn it-tnejn hu r-rappreżentant tal-MUT. Ma saret assolutament ebda pressjoni fuq l-għalliema, la mill-Kap tal-Iskola u anqas mill-Assistenti tiegħu.

Importanti jkun innutat li din il-laqgħa għamlet ġid kbir u kienet ta’ benefiċċju kemm għall-għalliema kif ukoll għall-istudenti nfushom.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow