Left arrow Mur Lura

ĠIMGĦA NAZZJONALI GĦAL TNAQQIS FIL-MELĦ

PR0190
Date Icon 02/02/2010

Id-Diviżjoni tas-Saħħa, permezz tad-Dipartiment għall-Promozzjoni tas-Saħħa u l-Prevenzjoni ta’ Mard, flimkien mal-Għaqda Dinjija dwar is-Saħħa u l-Melħ (World Action on Salt and Health) ħadet ħsieb torganizza għat-tieni darba il-Ġimgħa Nazzjonali għal Tnaqqis fil-Melħ.

Illum kulħadd jaf bir-relazzjoni ta’ bejn il-melħ u l-pressjoni għolja.  Il-pressjoni għolja hi problema kbira għall-Maltin.  Permezz tal-Health Interview Survey, li sar is-sena l-oħra, sar magħruf li 23% tan-nisa u 22% tal-irgiel adulti jbatu bil-pressjoni għolja. Nies li jbatu bil-pressjoni għolja qegħdin f’riskju ta’ attakk tal-qalb jew puplesija tliet darbiet aktar minn dawk li ma għandhomx pressjoni għolja.  Il-pressjoni għolja tista’ wkoll tirriżulta fi problemi tal-kliewi.  Meta persuna tnaqqas il-melħ fid-dieta tagħha tara b’effett immedjat tnaqqis fil-pressjoni u b’hekk ikun hemm inqas riskju ta’ ċerti problemi.  Skont il-World Action on Salt and Health (WASH), meta persuna tnaqqas il-konsum ta’ melħ bi 2.5g fil-ġurnata, tkun qegħda tnaqqas ir-riskju ta’ problemi ta’ qalb u puplesija bi kwart.  L-Għaqda Dinjija tas-Saħħa tgħid li persuna ma għandiex tikkonsma iktar minn 5g ta’ melħ kuljum u dan għandu jkun ħafna inqas fit-tfal.

Fi studju li sar fl-2002 (Health Interview Survey) ħareġ li 47% tan-nies jużaw il-melħ biex isajru bih u 23.73% jużaw il-melħ waqt l-ikel.  Persuna wkoll ma tistax tinsa li barra mill-melħ li jintuża waqt l-ikel, ħafna mill-melħ li jiġi kkonsmat huwa dak li ngħidulu melħ moħbi u dan jinsab speċjalment f’ikel ipproċessat.  Persuna dejjem għandha tħares lejn il-lista tal-ingredjenti u tkun ċerta li qabel ma tixtri xi ħaġa x’tiekol tagħżel prodotti li huma mingħajr melħ (salt free) jew inkella baxxi fil-melħ.

Azjendi oħra, barra l-qasam tas-saħħa, ukoll jistgħu jgħinu biex itejbu s-saħħa tal-poplu Malti, u din l-inizzjativa tal-lum hija eżempju ċar ta’ dan.  Il-ħobż huwa ikel prinċipali fid-dieta tal-Maltin.  L-Intrapriża ta’ Jespers illum qed toffri ħobż bla melħ (salt free) lill-pubbliku.  Dan qed jsir biex in-nies jaraw kemm hu importanti li jsibu modi ta’ kif inaqqsu l-melħ fid-dieta tagħhom.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow