L-ISPEAKER LOUIS GALEA SE JIGI NOMINAT MEMBRU TAL-QORTI EWROPEA TAL-AWDITURI
Il-Prim Ministru Lawrence Gonzi se jinnomina lill-iSpeaker tal-Kamra tad-Deputati Louis Galea bħala membru tal-Qorti Ewropea tal-Awdituri.
Hu se jieħu post il-Professur Josef Bonnici li serva f’din il-kariga f’dawn l-aħħar ħames snin.
Din hi t-tieni darba li Malta qed tinnomina membru tal-Qorti Ewropea tal-Awdituri minn meta pajjiżna ssieħeb fl-Unjoni Ewropea fl-1 ta’ Mejju 2004.
Louis Galea twieled fit-2 ta’ Jannar 1948. Gradwa bħala avukat fl-1975. Hu ġie elett għall-ewwel darba fil-Parlament fl-elezzjoni li saret fl-1976. Fl-1987 kien elett għat-tielet darba u inħatar Ministru għall-Politika Soċjali u kien responsabbli fost l-oħrajn għal-qasam tas-saħħa, l-anzjani u l-housing. Wara l-elezzjoni tal-1992 hu inħatar Ministru tal-Intern u l-Izvilupp Soċjali. Bejn l-1998 u l-2008 serva bħala Ministru responsabbli mill-Edukazzjoni. Fil-bidu ta’ din il-leġislatura hu inħatar Speaker tal-Kamra tad-Deputati.
Hu mizzewweg lil Vincienne, xebba Zammit u għandu tifel u tliet ibniet.
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990