Messagg mill-Prim Ministru, l-Onor Lawrence Gonzi ghall-Milied u s-Sena l-Gdida lill-Maltin u l-Ghawdxin li jghixu barra minn Malta
pr2212
20/12/2009
| Għalkemm il-Maltin li jgħixu | barra, jinsabu fejn jinsabu, huma dejjem fi ħsiebna, l-istaġun tal-Milied huwa aktarx l-isbaħ żmien tas-sena biex nuru r-rabta kbira ta’ bejnietna. U biex niftakru f’dak kollu li jagħmilna dejjem Maltin, anki jekk id-distanzi jkunu kbar. |
| F’dan iż-żmien inġeddu x-xewqat | tagħna lil xulxin. Naħseb li dan iż-żmien huwa fuq kollox xieraq biex niftakru li r-rabta bejn il-Maltin li jgħixu Malta u l-Maltin li jgħixu mxerrdin mad-dinja hi dejjem qawwija, sħiħa u sinċiera. Aħna grati ħafna lejkom li ġarrejtu l-identità Maltija magħkom kull fejn mortu, u żammejtuha biex għaddejtuha anki lil ġenerazzjonijiet ta’ warajkom. |
| Pajjiżna jagħraf il-progress | tiegħu lill-ħidma tal-unika riżorsa li għandna, li hi l-ħila u l-għaqal tagħna. Dan jgħodd għalina l-Maltin li ngħixu fil-gżira, u jgħodd ukoll għalikom, ħutna li bnejtu l-ħajja tagħkom f’pajjiżi oħrajn. Is-suċċess li intom irnexxielkom tagħmlu fil-pajjiż li laqagħkom huwa għajn tal-akbar sodisfazzjon għalina lkoll, u Malta ssellmilkom għal dan u tirringrazzjakom. |
| Meta nqallbu l-istorja | tal-emigrazzjoni Maltija naraw minnufih liema eżempju tajjeb il-komunitajiet Maltin ipprovdew lil kull pajjiż fejn marru biex bnew il-futur tagħhom. Jinstema’ dejjem l-istess ġudizzju dwarkom il-Maltin li tgħixu barra: kemm intom nies tal-familja, kemm taħdmu bis-sħiħ, u kemm irnexxielkom tibqgħu Maltin waqt li integrajtu ruħkom sew mal-komunitajiet l-oħra fejn tinsabu. Din l-armonija ma’ pajjiżkom u mal-pajjiż li laqagħkom hi tassew kumpliment għall-karattru Malti. |
| Dawn ma humiex merti żgħar, | anzi huma merti li għandhom effett morali kbir fuqna li ngħixu f’Malta. Bis-saħħa tagħkom li tgħixu barra minn Malta aħna nħossu li parti minna tinsab timraħ f’pajjiżi wisq akbar; pajjiżi li fihom ukoll tinbena speċi ta’ Malta żgħira oħra. Nista’ naċċerta lill-komunitajiet Maltin kollha, imxerrdin f’diversi pajjiżi, li intom tinsabu dejjem f’qalbna u li kull sforz li jsir biex tikber ir-rabta ta’ bejnietna huwa dejjem apprezzat. |
| Il-gratitudni tal-Maltin f’Malta | lejkom hija kbira għaliex mhux biss intom tibqgħu dejjem parti mill-familja tagħna, iżda wkoll għaliex intom tajtu s-sehem tagħkom ukoll fil-bini ta’ Malta kif inhi llum. Intom għamiltu dan qabelxejn billi ġarrejtu l-isem ta’ pajjiżna lil hinn minn xtutna, u żammejtu l-identità ta’ pajjiżkom, u anki billi għamiltu isem sabiħ kemm għalikom u kemm għal Malta nnifisha. Dawn huma għalina merti kbar għaliex il-pajjiż tagħna, ċkejken kif inhu, jeħtieġ dejjem reklam tajjeb fil-pajjiżi mbegħdin minnu. |
| Niftaħru li kien u nittamaw li | jibqa’ jkun l-għaqal tagħna lkoll li jwassalna biex minn pajjiż ċkejken nibnu dejjem aktar pajjiż li għandu l-istatura sħiħa ta’ nazzjon u ta’ stat. Kien l-għaqal tagħna li wassalna biex naraw lil Malta taqbad it-triq tal-progress fl-oqsma kollha tal-ħajja. Dan il-progress wassal biex pajjiżna kattar l-impiegi u tejjeb il-kundizzjonijiet kemm tax-xogħol u kemm tal-għajxien. Dan il-progress jidher ċar għal kull min iżur lil Malta minn żmien għal ieħor u jara b’liema entużjażmu u b’liema determinazzjoni l-Maltin jaħdmu biex jaraw lil pajjiżna miexi ’l quddiem. Dan komplejna nagħmluh b’mod partikolari din is-sena fejn Malta, bħal kull pajjiż ieħor, ħasset l-impatt tal-kriżi ekonomika u finanzjarja li laqtet lid-dinja. Irridu nkomplu naħdmu biex matul l-2010 il-ġerħa li ħass kull pajjiż u l-weġgħat li ħassew in-nies minħabba din il-kriżi, ifiequ. |
| Is-sena li deħlin fiha għandha | tkun sena li tkompli tkabbar u ssaħħaħ ir-rabta ta’ bejnietna. Apparti li hi sena li fiha se nfakkru r-rabta storika antika bejn Malta u San Pawl, fatt storiku u kulturali importanti, is-sena l-ġdida se tara fostna lill-Papa Benedittu XVI. B’din iż-żjara nittamaw li tidher dejjem aktar l-għaqda li torbot lill-Maltin flimkien. Nittamaw li ċ-ċelebrazzjonijiet li se jsiru jkunu mezz siewi ieħor biex, fost l-oħrajn, tikber u tisseddaq ir-rabta bejna l-Maltin, kemm bejnietna li ngħixu hawn Malta, u kemm bejna u bejnkom, ħutna mxerrdin mad-dinja. Nistedinkom li aktar minn qatt qabel permezz tat-teknoloġija u l-mezzi ta’ komunikazzjoni ssewgu dak li se jkun qiegħed jiġri f’Malta. Nistedinkom tingħaqdu magħna f’dawn iċ-ċelebrazzjonijiet li se jsiru f’Malta. |
| Minn qalbi nixtieq lilkom u lil | qrabatkom Milied hieni u s-sena t-tajba. |
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990