Left arrow Mur Lura

ĠEW FI TMIEMHOM IL-PROĊESSI TA’ KONSULTAZZJONI TAT-TLIET GRUPPI TA’ AZZJONI TAĦT IL-PROGRAMM LEADER

pr2169
Date Icon 15/12/2009
Il-Grupp ta’ Azzjonital-Majjistral jippreżenta l-istrateġija tiegħu għal żvilupp rurali sostenibbli
Il-Fondazzjoni Grupp ta’ Azzjoni Majjistral(Majjistral Local Action Group), iffurmata minn 13-il kunsill lokali fiż-żoni rurali tal-Majjistral ta’ Malta flimkien ma’ numru ta’ operaturi privati, u li qed tipparteċipa fil-programm LEADER, għalqet il-proċess ta’ konsultazzjoni li ilu għaddej għal dawn l-aħħar tliet xhur.  Iż-żewġ gruppi ta’ azzjoni l-oħra li jilħqu l-maġġoranza tal-lokalitajiet  rurali taż-żewg gżejjer huma l-Grupp ta’ Azzjoni tax-Xlokk u dak ta’ Għawdex.  Il-grupp ta’ azzjoni tal-Majjistral ġab fit-tmiem il-proċessi ta’ konsultazzjoni tat-tliet gruppi.
Issa li ż-żmien ta’konsultazzjoni ġie fi tmiemu, ġiet imħejja strateġija għall-iżvilupp tal-inħawi rurali ta’ Malta u Għawdex. Il-Grupp ta’ Azzjoni tal-Majjistral illum ħabbar l-istrateġija tiegħu bbażata fuq dan il-proċess ta’ konsultazzjoni. Preżenti kien hemm l-Onor Chris Said, Segretarju Parlamentari għall-Konsultazzjoni Pubblika u Informazzjoni, li stqarr li t-tliet strateġiji laħqu l-miri tagħhom li  jkunu mfassla sal-aħħar ta’ Diċembru. Chris Said stqarr li s-sistema LEADER hija għodda imprezzabbli biex tkompli tissaħħaħ il-kwalità tal-ħajja rurali kemm f’Malta kif ukoll f’Għawdex, grazzi għat-tliet gruppi ta’ azzjoni (LAGs) li ġew iffurmati u li qed jaħdmu f’konsultazzjoni mar-residenti. Kull LAG ingħata €90,000 biex ifassal din l-strateġija biex itejjeb l-iżvilupp sostenibbli rurali lokali, qal is-Segretarju Parlamentari.
Biexwasslet għat-fassil tal-istrateġija tagħha, il-Fondazzjoni Grupp ta’ Azzjoni Majjistral organizzat sensiela ta’ laqgħat konsultattivi fejn kulħadd seta’ jagħti l-fehma tiegħu dwar issues u żvilupp li jolqtu  lir-reġjun. Permezz ta’ diversi avviżi kulħadd kien imħeġġeġ jieħu sehem fl-istrateġija li ġiet ippreżentata llum u li tolqot il-bżonnijiet tar-reġjun lejn kwalità ta’ ħajja aħjar. Diversi nies aċċettaw l-istedina u ġew bi ħġarhom għal-laqgħat tas-setturi  jew lokalità tagħhom.
L-istrateġija tal-Majjistraltinkludi rikonoxximenttal-karatteristiċi speċjali tar-reġjun kif ukoll l-involviment tal-operaturi lokali u residenti. Din l-istrateġija hija bbażata fuq l-issues prinċipali fir-reġjun, kif ukoll proposti ta’ azzjoni għall-futur – proposti fuq il-kwalità tal-ħajja u fuq l-opportunitajiet ekonomiċi fir-reġjun.
L-għan tal-inizjattiva LEADERhuwa li ttejjebl-iżvilupp sostenibbli rurali u jgħaqqad flimkien is-settur pubbliku mas-settur privat, operaturi fil-qasam tal-agrikoltura, operaturi fit-turiżmu, kif ukoll NGO’s. Bis-saħħa ta’ dan il-programm, Maltagwadanjat €3.8 miljun ewro qal Chris Said. Grazzi għal dawn il-fondibeda l-proċess tal-implimentazzjoni dwar danil-proġett innovattiv.
Il-lokalitajiet involuti huma:Ħal Lija, l-Imġarr, il-Mellieħa, Ħal Għargħur, ir-Rabat, Ħad-Dingli, l-Imtarfa, San Pawl il-Baħar, is-Siġġiewi, in-Naxxar, l-Iklin, Ħ’Attard u l-Imdina.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow