IL-PRESIDENT U S-SINJURA ABELA F’KONFERENZA STAMPA DWAR IL-MALTA COMMUNITY CHEST FUND
pr2160
14/12/2009
| Il-President George Abela | ppresieda konferenza stampa fil-Palazz il-Belt Valletta, dwar il-ħidma tal-Malta Community Chest Fund, fejn fost affarijiet oħra ppreżenta l-istatut tal-Malta Community Chest Fund b’format ġdid, kemm bil-Malti kif ukoll bl-Ingliż. |
| Is-Sinjura Abela tkellmet | dwar il-ħidma għal “L-Istrina” li issa ilha xhur li bdiet iżda din intensifikat ġmielha f’dawn l-aħħar ġimgħat. Tħejjija għal dan l-avveniment tinvolvi diversi xogħlijiet u waqt din il-ħidma tiltaqa’ wkoll ma’ diversi stejjer li jagħtuk kuraġġ sabiex tissokta bil-ħidma, jew saħansitra żżid ukoll. “Kienet ix-xewqa tagħna li bħala parti mit-tħejjija għal “L-Istrina” jiġu organizzati diversi attivitajiet sabiex, apparti milli jinġabru l-fondi għal għan nobbli, noffru wkoll opportunita` lill-poplu Malti u Għawdxi sabiex jattendi flimkien mal-familja għal dawn l-attivitajiet. |
| Attività prinċipali | kienet il-Fun Run fejn nieħu l-okkażjoni sabiex nirringrazzja lill-Poplu kollu tal-entużjażmu li wera għal din l-attività. Kien jum ta’ emozzjoni kbira meta tara folla daqshekk kbira ta’ nies jimxu jew jiġru flimkien …. Kollha għal għan komuni” Hekk esprimiet is-Sinjura Abela waqt li kompliet titkellem dwar l-esperjenza unika meta madwar gimagħtejn ilu hi u l-President Abela żaru l-pazjenti Maltin u Għawdxin li jinstabu l-Ingilterra sabiex jieħdu l-kura. “Kienet mawra fejn il-pazjenti u l-qraba tagħhom tawna kuraġġ kbir… kuraġġ sabiex inkomplu bil-ħidma tagħna … dik li ngħinu lil ħutna li jinsabu għaddejjin minn żmenijiet xejn faċli. Għixna flimkien magħhom… fid-dar tas-sorijiet li ddedikaw ħajjithom sabiex ikunu preżenti erbgħa u għoxrin siegħa għal dawn in-nies….. Għixna flimkien għal ftit jiem, imma kienu biżżejjed sabiex inħossu u nifhmu ftit mill-weġgħat li jkunu għaddejjin minnhom dawn in-nies.” Is-sinjura Abela kompliet tesprimi li l-ferħ li ġġib il-karita’ mal-proxxmu, li hi indeskrivibbli u tkun ferm isbaħ meta nagħtu u ma nistennew xejn, ħlief is-sodisfazzjon li rnexxielna nġibu tbissima fuq persuna li ilha ma tidħaq… jew li nuru li dawk li jaħsbu li qegħdin waħedhom li hemm min qiegħed jaħseb fihom u li mhux qegħdin jaffaċċjaw il-maltemp. waħedhom.. |
| Il-President George Abela tkellem dwar il-Branding | tal-Malta Community Chest Fund u wkoll li nħasset il-ħtieġa li tinkiteb kanzunetta fejn ġew avviċinati l-Prof. Joe Friggieri għal-lirika u Philip Vella għall-mużika. Għal din il-kanzunetta taw sehemhom kantanti li mill-1971 irrappreżentaw lil pajjiżna fil-Eurovision Song Festival. Il-kanzunetta bl-isem ta’ Dinja Gdida titkellem dwar ħolma ta’ dinja ġdida fejn m’hemmx faqar, fejn kulħadd jgħix flimkien, fejn ma nħarsux lejn il-kulur tal-ġilda. |
| Finalment il-President Abela ta spjega | dettaljata ta’ kif ġew allokati l-flus tal-Malta Community Chest Fund f’din l-aħħar sena (minn Jannar 2009 s’issa) fejn madwar 2,500 talba ġew għand il-Malta Community Chest Fund. |
| S’issa ġew approvati kważi | 700,000 ewro f’għajnuniet fejn f’mediċina u apparat speċjalizzat intefqu madwar 238,758 ewro. Spjega wkoll l-importanza li ngħinu lil dawk li għaddejjin minn żmien diffiċli peress li membri tal-familja tagħhom ikunu qed jieħdu trattamenti barra minn Malta, f’dawn intefqu madwar 240,000 ewro. |
| Finalment il-President Abela kkonkluda b’appell | lejn min se jikkontribwixxi għall-Istrina sabiex ikun ġeneruż. Għadda messaġġ lin-neguzjanti biex dawn ukoll ikunu ġenerużi fid-donazzjoni tagħhom għax f’każijiet ta’ mard ma teżistix ir-riċessjoni. |
Other Press Releases:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990