Left arrow Go Back

IL-JUM IDDEDIKAT GĦAL PERSUNI B’DIŻABILITÀ ĊĊELEBRAT F’GĦAWDEX

pr2108
Date Icon 04/12/2009

Il-Federazzjoni Għawdxija Persuni b’Diżabilità dalgħodu organizzat konferenza bit-titlu ‘Opportunitajiet ta’ Xogħol għal Persuni b’Diżabilità’ fiċ-Ċentru għal Matul il-Jum Santa Marta fir-Rabat Għawdex, li ilu joffri servizzi lill-persuni adulti b’diżabilità f’Għawdex għal dawn l-aħħar xhur. Din il-konferenza saret bħala parti mill-attivitajiet li qed jiġu organizzati fil-ġimgħa tal-persuni b’diżabilità.

Il-konferenza nfetħet b’diskors tal-okkażjoni mill-Ministru għal Għawdex l-Onor. Giovanna Debono, li fid-diskors tagħha sostniet li f’pajjiżna sar ħafna progress fil-qasam tad-diżabilità pero’ għad fadal xi jsir, speċjalment fir-rigward tal-inklużjoni ta’ persuni b’diżabilità fil-qasam tax-xogħol. Hija semmiet inizjattivi li jittieħdu mill-Ministeru għal Għawdex b’risq dan il-qasam matul dawn l-aħħar snin. L-inawgurazzjoni taċ-Ċentru Santa Marta, li sar ftit tax-xhur ilu kienet l-aħħar ħolqa f’katina ta’ inizjattivi li komplew itejbu u jsaħħu s-servizzi lill-persuni b’diżabilità u lill-familji tagħhom f’Għawdex. Barraminhekk hija faħħret lil Federazzjoni li taħdem bla heda għal dawn il-persuni bi bżonnijiet speċjali.

Fost dawk li tkellmu matul dan is-seminar kien hemm is-Sinjura Mary Rose Attard, Koordinatriċi għal Persuni b’Diżabilità f’Għawdex, is-Sur Jonathan Debono, l-Assistent Koordinatur għal Persuni b’Diżabilità f’Għawdex li għamel preżentazzjoni dwar ix-xogħol u l-persuni b’diżabilità fil-gżira, kif ukoll is-Sur Joe Camilleri, chairperson tal-Kummissjoni Nazzjonali Persuni b’Diżabilità (KNPD), li għamel id-diskors tal-għeluq.

Minbarra l-impjiegi u l-persuni b’diżabilità, matul il-konferenza ġiet diskussa wkoll l-edukazzjoni wara sittax-il sena. Dawk li taw il-kontribut tagħhom f’dawn id-diskussjonijiet kienu jinkludu fost l-oħrajn lil Dr. Kevin Cutajar, President tal-Federazzjoni Għawdxija Persuni b’Diżabilità. Fid-diskussjoni taw sehemhom ukoll għadd ta’ stakeholders Għawdxin kif ukoll ġenituri ta’ tfal b’diżabilità, guidance teachers u counsellors fl-iskejjel.

Aktar kmieni din il-ġimgħa, fiċ-Ċentru għal Matul il-Jum Santa Marta, ġiet inawgurata multisensory room li għandha apparat li jistimula s-sensi f’atmosfera rilassanti. Dan jgħin biex titjib il-koordinazzjoni bejn l-għajnejn u l-idejn permezz ta’ eżerċizzji motorji varji. Din il-kamra ser iżżid il-faċilitajiet ma’ dawk eżistenti. Ġiet inawgurata wkoll pittura ta’ Santa Marta maħduma minn wieħed mill-ħaddiema fl-istess ċentru.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow