L-investiment tal-SR Techniks huwa wkoll frott il-kwalità tal-ħaddiema u l-livell għoli tat-taħriġ offrut f’pajjiżna
pr2038
25/11/2009
| “Mertu tagħkom ukoll”. Hekk qal il-Ministru | tal-Finanzi, l-Ekonomija u Investiment l-Onor. Tonio Fenech, lil numru ta’ studenti li qed jattendu korsijiet marbuta mal-manutenzjoni tal-ajruplani fl-MCAST. Il-Ministru Fenech spjega li fost il-fatturi li jikkunsidraw kumpaniji bħal SR Techniks hemm ukoll il-kwalità tal-ħaddiema li joffri pajjiż u għaldaqstant il-livell ta’ taħriġ mogħti mill-istituzzjonijiet edukattivi rilevanti. |
| Il-Ministru Tonio Fenech spjega kif mit-twaqqif | tagħha, l-MCAST kienet kruċjali biex tipprovdi ħaddiema mħarrġa li b’hekk nistgħu nattiraw lejn pajjiżna investiment ta’ kwalità fil-qasam tal-avjazzjoni. Huwa fakkar kif l-SRT għadha kif ħabbret investiment li se joħloq 350 impjieg iżda f’Malta l-qasam tal-manutenzjoni tal-ajruplani se jkun qed ilaħħaq aktar minn 1,100 impjieg bil-preżenza tal-Lufthansa Technik, Rolls Royce, MCM u Medavia. Il-Lufthansa Technik, li llum tħaddem 515-il persuna, mistennija tikber sa 700 matul is-sentejn li ġejjin. |
| Il-Ministru Fenech fakkar li l-Gvern għaddej | b’investiment kontinwu fl-edukazzjoni u t-taħriġ b’mod speċjali fl-MCAST, b’korsijiet akkreditati u speċjalizzati fil-manutenzjoni tal-ajruplani. Fil-preżent hemm 263 student full-time jew part-time li qed jistudjaw fil-qasam tal-manutenzjoni tal-ajruplani. |
| Waqt iż-żjara tiegħu, il-Ministru ħabbar li qed | isiru diskussjonijiet mal-MCAST biex isir intake ġdid ta’ studenti għal ħabta ta’ Frar 2010, biex b’hekk jiżdiedu l-opportunitajiet ta’ taħriġ b’rabta ma’ dawn l-investimenti f’pajjiżna. |
Stqarrijiet Oħra:
PR261991
STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...
PR261990