Left arrow Go Back

IL-PRESIDENT GEORGE ABELA JIBDA ŻJARAT FL-ISKEJJEL TA’ MALTA U GĦAWDEX

pr2035
Date Icon 24/11/2009
Dalgħodul-President George Abela żar il-Kulleġġ San Benedittu hekk kif nieda żjarat li mistenni jagħmel mal-iskejjel kollha ta’ Malta u Għawdex. Il-President Abela, akkumpanjat mill-Ministru tal-Edukazzjoni, Dolores Cristina u l-Prinċipal tal-Kulleġġ Marilyn Sciortino, iltaqa’ ma’ studenti, għalliema u anke ġenituri.
Iż-żjara bdiet fl-iskola Primarja ta’Birżebbuġia fejn iltaqa’ mal-istudenti tas-sitt sena li waqt diskussjoni mmexxija mill-istudenti stess esprimew l-esperjenza tagħhom fl-iskola. Il-President Abela sema’ b’attenzjoni dawn l-esperjenzi u nnota kif kull min tkellem huwa b’xi mod involut f’attivitajiet oħrajn fl-iskola li jmorru lil hinn mis-suġġetti akkademiċi bħall-ambjent, l-isports u kumitati. Hawnhekk il-President Abela faħħar dan il-kontribut u qal li b’hekk it-tfal ikunu qed jikbru b’mod sħiħ għaliex :“Is-sehem tagħna fil-komunità jagħmilna ċittadini denji ta’ pajjiżna”
Il-President żar skejjel oħrajn fi ħdanil-Kulleġġ, kemm primarji u sekondarji fejn f’kull skola kien hemm attenzjoni partikolari fuq karatteristika tal-iskola. Fl-iskola Primarja ta’ Ħal Għaxaq iltaqa’ ma’ diversi gruppi ta’ ġenituri li jagħmlu xogħol differenti bl-idejn biex isebbħu l-iskola u jagħmlu ambjent isbaħ fejn uliedhom jitgħallmu.  Fil-Junior Lyceum tal-Bniet f’Santa Luċija, il-President Abela segwa lezzjoni tal-ġeografija permezz ta’ interactive board u oħra tal-arti permezz tal-PDAs –eżempju tal-użu tal-ICT fl-iskejjel.
Fl-iskola tal-Primarja f’Ħal Safi, il-PresidentGeorge Abela kien akkumpanjat minn żewġ studenti ċkejknin li jagħmlu parti mill-kunsill tal-istudenti, u dawruh mal-iskola. F’din l-iskola huwa segwa wkoll preżentazzjoni mit-tfal li ħadu sehem fil-programm EkoSkola fejn l-iskola rebbħet il-premju tal-fidda. Il-President George Abela temm iż-żjarat tiegħu fl-iskola sekondarja tas-Subien f’Ħal Kirkop fejn ra l-attivitajiet extra-kurrikulari li jinkludu diversi tipi ta’ sports: football, rugby, table tennis u snooker fost l-oħrajn. Hawnhekk il-President kellu l-okkażjoni jilgħab billiard u anke l-logħba tat-table tennis mal-istudenti. Ma setax jonqos li l-President iżur ic-Chess Accademy tal-Kulleġġ.
Il-President Abela esprima l-pjaċir tiegħujiltaqa’ mal-istudenti tal-Kulleġġ San Benedittu u qal li l-edukazzjoni f’pajjiżna mxiet ‘il quddiem u qed toffri l-aħjar lit-tfal li qed jitħarrġu b’mod sħiħ. Dan qed jiggarantixxi soċjetà b’saħħitha. Irringrazzja lid-diriġenti tal-edukazzjoni f’pajjiżna speċjalment lill-għalliema li b’tant dedikazzjoni jfittxu modi differenti ta’ taħriġ u jagħmlu t-tagħlim iktar attraenti.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow