Left arrow Mur Lura

Il-ħolqien tal-impjiegi fiċ-ċentru tal-Programm Nazzjonali  ta’ Riforma

pr2029
Date Icon 24/11/2009
Il-ħolqien tal-impjiegi u l-għoti ta’ inċentivibiex aktar persuni jidħlu fid-dinja tax-xogħol huma fil-qofol tal-ħidma tal-Gvern, kif jixhed ir-rapport dwar il-progress imressaq fil-kuntest tal-Programm Nazzjonali ta’ Riforma 2008-2010.
Dan qalu l-Ministru tal-Finanzi, tal-Ekonomija uInvestiment Tonio Fenech waqt konferenza tal-aħbarijiet li fiha ta rendikont tal-progress tal-pajjiż biex jilħaq il-miri ndikati għal dan il-perjodu ta’ żmien.
F’dan il-kuntest huwa fakkar fl-inizjattivital-Gvern biex iħajjar iktar nisa u anzjani jiħdlu fid-dinja tax-xogħol, fosthom l-inċentiv ta’ sena bla taxxa għan-nisa li jidħlu lura għax-xogħol u d-dritt tal-pensjonanti li jibqgħu jaħdmu bla ma jitilfu l-pensjoni. Sa mill-2006, inħarġu €3.2 miljun f’refunds lil dawn in-nisa, €2.1 minnhom is-sena l-oħra biss. B’kollox ibbenefikaw minnhom 3,652 mara. Fl-istess waqt, illum insibu li  3,400 persuna ‘l fuq minn 61 persuna għandha impjieg full-time u 5,000 persuna xogħol part-time u li jirċievu l-pensjoni wkoll.
Tonio Fenech spjega wkoll li t-tnaqqis tat-taxxafuq id-dħul f’budgets konsekuttivi, u li ħallew mal-€154 miljun  addizzjonali fi bwiet tal-familji Maltin u Għawdxin, huwa wkoll inċentiv ieħor li jħajjar aktar persuni jidħlu fid-dinja tax-xogħol jew jagħżlu li jagħmlu xi forma ta’ xogħol addizzjonali. Huwa fakkar kif grazzi għal dawn ir-reviżjonijiet, illum għandna 38% tal-ħaddiema li jaħdmu bi qliegħ f’pajjiżna li jaqgħu proprju fil-faxxa ta’ 0% taxxa.
Il-Ministru Fenech  ta ħarsa lejn numru ta’oqsma  oħra, fosthom ir-riforma tat-trasport pubbliku, iż-żieda fl-investiment fl-edukazzjoni u t-taħriġ, ir-riċerka u l-iżvilupp u l-investimenti fil-qasam tal-bidla tal-klima.

Id-dokument jista’ jitniżżel minn http://www.mfei.gov.mt

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

Aktar Stqarrijiet Right arrow