Left arrow Go Back

JINĦATRU ASSISTANT KUMMISSARJU U SUPRETENDENT ĠDID FIL-KORP TAL-PULIZIJA

pr2015
Date Icon 20/11/2009

Il-Ministru tal-Ġustizzja u l-Intern, l-Onor. Carm Mifsud Bonnici, illum wara nofsinhar ta l-ittra tal-ħatra lil Assistent Kummissarju u Supretendent ġodda fil-Korp tal-Pulizija.  Iż-żewġ uffiċċjali li ngħataw il-ħatra llum huma l-Assistent Kummissarju Ray Zammit u s-Supretendent Carmelo Magri.

F’diskors qasir fil-preżenza tal-Kummissarjutal-Pulizija, is-Sur John Rizzo u uffiċjali għolja oħra tal-Korp, il-Ministru Mifsud Bonnici qal li l-poplu jqis kull delitt li jitwettaq bħala wieħed importanti, li għandu jiġi nvestigat.
Hu saħaq li l-Korp tal-Pulizija għandu jsegwibir-reqqa kull rapport li jidħol mingħand il-pubbliku, l-ewwel nett għax il-pubbliku huwa sors ewlieni ta’ informazzjoni dwar id-delinkwenza, u t-tieni għax kull vittma ta’ reat għandha dritt li ssir ġustizzja magħha. Dan minnu nnifsu jwassal biex il-pubbliku juri aktar fiduċja fil-Korp.
“F’dan is-sens, nieħu pjaċir nara li r-ratatal-kriminalità f’Malta baqgħet tonqos kull sena fl-aħħar erba’ snin. L-istatistika turi li s-sezzjonijiet kollha tal-Korp tal-Pulizija  qed jagħtu s-sehem tagħhom f’dan is-suċċess – mid-Distretti sad-Dipartimenti nvestigattivi kollha. Ir-riżultati tajbin li kiseb il-Korp jidhru wkoll fiż-żieda ta’ 100 ruħ fil-popolazzjoni tal-ħabs, li rajna mill-bidu tas-sena ‘l hawn u n-numru rekord ta’ delinkwenti li tressqu quddiem il-Qorti fl-istess perjodu – biex ma ninsewx il-kważi nofs tunellata ta’ droga li nqabdet din is-sena s’issa.”
“Matul din il-leġislatura, ingħataw il-ħatrasitt Assistenti Kummissarji ġodda u tnax–il Supretendent ġdid. Nemmen bis-sħiħ li l-investiment fil-ħatra ta’ uffiċċjali għolja fil-Korp ser ikompli jsaħħaħ ir-riżultati pożittivi li nkisbu fl-aħħar snin,” qal il-Ministru. Huwa temm billi feraħ lis-Sur Zammit u s-Sur Magri għall-ħatra tagħhom filwaqt li awguralhom kull suċċess fil-ħidma futura tagħhom.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL  Tittella’ r-raba’ edizzjoni ta’ Porkilicious: inizjattiva li tgħaqqad il-gastronomija u s-sostenibbiltà tal-ikel mal-appoġġ għall-Malta Community Chest Fund

PR261991

STQARRIJA MILL-MINISTERU GĦALL-AGRIKOLTURA, IS-SAJD U L-PROVVISTA TAL-IKEL ...

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

More Press Releases Right arrow