JIĠI MNIEDI L-MALTA YEAR BOOK EDIZZJONI 2008-2009
pr2006
19/11/2009
| "Il-Malta Year Book hija pubblikazzjoni ta' | referenza li kull min għandu għal qalbu lill-gżejjer Maltin u dak kollu li hu Malti għandu jkollu kopja tagħha. Nifraħ lill-Brothers ta' De La Salle f'Malta li issa ilhom joħorġu din il-pubblikazzjoni għal dawn l-aħħar 56 sena. Dawn is-snin kollha jikkonfermaw id-dedikazzjoni tal-pubblikaturi u jagħmel dan il-ktieb collectors’ item". |
| Dan qalu s-Segretarju Parlamentari | għall-Konsultazzjoni Pubblika u Informazzjoni, l-Onor Chris Said waqt attivita' ta' tnedija tal-edizzjoni ta' din is-sena tal-Malta Year Book. |
| Chris Said fakkar li l-Malta Year Book jixhed | ukoll il-ħidma u d-dedikazzjoni ta' kull min kien involut fil-pubblikazzjoni tiegħu biex jinġabar tagħrif dwar kwalunkwe aspett f’Malta – bħall-politika, ir-reliġjon, l-edukazzjoni, il-kummerċ, informazzjoni dwar l-organizzazzjonijiet f’Malta u informazzjoni ġenerali. Dr Said irrefera ukoll dwar l-objettivi li għandu pajjiżna fl-2010 u l-opportunitajiet li se jkollu l-poplu Malti s-sena d-dieħla. |
| Min-naħa tiegħu, iċ-Chairman ta’ De La Salle | Brothers Publications, Bro Martin Borg fsc, irringrazzja lis-Segretarju Parlamentari Chris Said tal-interess li wera f'din il-pubblikazzjoni u anki lill-editur Noel M Borg, l-editur konsultattiv il-Maġġur Stanley Clews u l-membri l-oħra tal-bord editorjali. Hu tenna wkoll li l-pubblikazzjoni tal-Malta Year Book tikkonferma li l-Brothers ta' De La Salle f'Malta dejjem ħadmu biex ixerrdu l-kultura Maltija u l-imħabba lejn gżiritna. |
| "Din il-pubblikazzjoni hija waħda li tagħti | ħarsa lejn dak kollu li seħħ fil-gżejjer Maltin matul l-aħħar snin u din hija pubblikazzjoni li għandha tinżel tajjeb ma' persuni ta' etajiet differenti," tenna Bro Martin Borg fsc. Finalment Bro Martin Borg fsc fakkar li l-2008 u l-2009 kienu snin li se jibqgħu mnaqqxa fl-istorja ta' pajjiżna, b'avvenimenti li jiġu rapportati fid-dettal fil-Malta Year Book. |
| "Il-Malta Year Book hija pubblikazzjoni unika | li tixhed ukoll il-ħidma, id-dedikazzjoni u l-perseveranza ta' kull min hu involut, fosthom ta' Noel Borg li kien l-editur ta' din il-pubblikazzjoni għall-ewwel darba fl-istorja tagħha," ikkummenta Bro Martin Borg fsc. |
| Is-Sur Noel M Borg, l-editur | tal-pubblikazzjoni tenna li din il-pubblikazzjoni ma kenitx waħda faċli, speċjalment meta tqis li fl-aħħar snin Malta kellha Elezzjoni Ġenerali, Ftuħ ta' Parlament ġdid u anki ħatra ta' President tar-Repubblika, kollha avvenimenti li dwarhom hemm informazzjoni f’din il-pubblikazzjoni ta’ referenza. Kienet edizzjoni li kienet titlob riċerka vasta u dettaljata. Is-Sur Borġ rringrazzja lill-Onorevoli Said, lill-Bro Martin Borg fsc u anki lill-membri tal-bord editorjali. |
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en