Left arrow Mur Lura

STRATEGIJA TA’ ZVILUPP LOKALI GĦAL GĦAWDEX

pr1975
Date Icon 14/11/2009
Illum saretkonferenza finali biex tagħlaq il-proċess ta’ konsultazzjoni li kien qed imexxi l-Gozo Action Group sabiex ikun jista’ jfassal Strategija ta’ Żvilupp Lokali taħt il-programm tal-Unjoni Ewropeja LEADER.
Il-proċess ta’konsultazzjoni f’Għawdex ilu għaddej għal dan l-aħħar xahar u matulu saru laqgħat fil-kunsilli lokali kollha.  Matul dawn il-laqgħat ġew diskussi l-elementi prinċipali tal-istrateġija għal-Għawdex.  Minbarra dawn il-laqgħat saru wkoll laqgħat oħra settorjali ma’ partijiet interessati partikolari.
L-għantal-inizjattiva LEADER huwa li jtejjeb l-iżvilupp sostenibbli rurali. L-inizzjattiva tiffoka billi tgħaqqad flimkien is-settur pubbliku mas-settur privat, operaturi fil-qasam tal-agrikoltura, operaturi fit-turiżmu, kif ukoll NGO’s.
Tliet Local ActionGroups ġew iffurmati biex jilħqu l-maġġoranza rurali ta’ Malta u Għawdex. Dawn huma l-Grupp ta’ Azzjoni Għawdex, dak tal-Majjistral u dak tax-Xlokk, li bejniethom jiġbru taħt il-kappa tagħhom 40 lokalità rurali. Kull Local Action Group ingħata €90,000 biex ifassal strateġija għall-iżvilupp lokali.
Waqt il-konferenzaf’Ghawdex is-Segretarju Parlamentari ghall-Konsultazzjoni Pubblika u Informazzjoni Chris Said, qal li l-konsultazzjoni li saret se tgħin biex is-soluzzjonijiet għall-isfidi li jiffaċċjaw il-lokalitajiet Għawdxin ikunu qed jiġu ffaċċjati b’soluzzjonijiet ppjanati u maħsuba mir-residenti, għaqdiet u entitajiet tal-istess lokalitajiet Għawdxin.  Dan se jwassal biex jinstabu l-aktar soluzzjonijiet adattati għall-problemi speċifiċi li jiffaċċja r-reġjun ta’ Għawdex.
Chris Said qal li l-programmLEADER jiffoka fuq sistema fejn l-istrateġiji jiġu ppjanati minn isfel għal fuq u hekk l-akbar kontribut ikun qed jasal minn l-eqreb livell possibbli lejn ir-resident.
Is-SegretarjuParlamentari responsabbli mill-kunsilli lokali qal li l-aħjar suġġerimenti u ideat li nġabru fil-konsultazzjoni wiesa’ li wettaq il-Gozo Action Group issa mistennija jigu nkluzi fl-istrateġija ta’ żvilupp lokali li se tindika t-tip ta’ azzjonijiet li se jkunu qed jiġu implimentati, kif ukoll iż-żminijiet stipulati għat-twettiq tagħhom. “Għalhekk il-konsultazzjoni ser isservi ta’ bażi għall-iżvilupp ta’ din l-istrateġija fil-lokalitajiet rurali”, qal is-Segretarju Parlamentari.
Il-konsultazzjonif’Għawdex waslet fi tmiemha fil-waqt li dik tal-Majjistral għada kif tnediet u fiż-żona tax-Xlokk din il-konsultazzjoni għaddejja bħalissa. L-istrateġiji tat-tliet Local Action Groups għandhom ikunu mfassla sal-aħħar ta’ Diċembru.
It-tip ta’inizjattivi li se jkunu koperti permezz ta’ fondi mill-Programm LEADER jinkludu inizjattivi fl-agrikoltura, fil-marketing, taħriġ u studju, kif ukoll investimenti kapitali fuq proġetti pjanati speċifikament għat-territorju u li ma jistgħux jiġu finanzjati minn fondi oħra. Għal dawn l-inizjattivi b’kollox hemm allokati kważi €4 miljun fuq medda ta’ 3 snin speċifikament għad-dispożizzjoni tat-tliet gruppi ta’ azzjoni, u li se jgħinu biex joħolqu differenza fiż-żoni rurali, kompla jgħid Chris Said.
Il-Ministru għalGħawdex, l-Onor. Giovanna Debono faħħret l-inizjattiva meħuda mill-Gozo Action Group li permezz tagħha Għawdex ikun jistà jibbenefika minn fondi tal-programm LEADER. Dawn jiżdiedu ma’ l-allokazzjoni ta’ fondi li għadhom kif tħabbru fl-estimi tas-sena finanzjarja li ġejja fejn ġew indirizzati €22 miljun fil-vot kapitali filwaqt li ġew garantiti €25 miljun fuq medda ta’ tlett snin fir-rigward tal-implimentazzjoni tal-proposti fi ħdan eko-Għawdex.
Il-ħidma li ser tkunmwettqa fl-isfond tal-programm LEADER hija wkoll kompatibbli ma’ l-objettivi tal-viżjoni eko-Għawdex li hija mmirata lejn żvilupp sostenibbli għal gżira. Il-Ministru Giovanna Debono tkellmet ukoll dwar il-fatt li l-entitajiet li qed jikkollaboraw f’din l-inizjattiva ġew imwaqfa jew sabu għajnuna minn inizjattivi tal-Ministeru għal Għawdex matul dawn l-aħħar snin. Hija żiedet tgħid li permezz ta’ din il-kollaborazzjoni dawn l-entitajiet żviluppaw u kabbru l-esperjenzi u llum jiffurmaw forum rappreżentattiv u proattiv fl-oqsma soċjo-ekonomiċi kollha ta’ Għawdex.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

Aktar Stqarrijiet Right arrow