Left arrow Mur Lura

INDIRIZZ MILL-ONOR. JOE CASSAR, SEGRETARJU PARLAMENTARI GĦAS-SAĦĦA, FL-OKKAŻJONI TAL-JUM DINJI TAD-DIJABETE - HEALTH CENTRE,  MOSTA – IL-ĠIMGĦA, 13 TA’ NOVEMBRU 2009

pr1971
Date Icon 13/11/2009
Illum ser nitkellem fuq suġġett kemmxejn vast,jiġifieri d-dijabete. Għalina t-tobba, id-dijabete mhijiex marda iżda kundizzjoni, għaliex għalkemm ma titfejjaqx, tista' tiġi kkontrollata.
Ħafna jistaqsu kif jindunaw li jkollhom dinil-kundizzjoni. Spiss din ma tikkawża l-ebda sintomu. Fil-fatt l-iktar mod komuni ta' kif ssib id-dijabete fil-pazjenti tagħna hu waqt check up tad-demm. Skond l-Organizzazzjoni Dinjija tas-Saħħa, id-dijanjosi tad-dijabete tista' tiġi magħmula wara li jkun ġie ttestjat id-demm ta' pazjent sajjem. Għalhekk dan għandu jsir regolarment speċjalment f'etajiet avvanzati.
Biss meta tikkawża xi sintomi dawn ikunu xiwieħed jew bosta minn dawn: għatx, urinazzjoni eċċessiva, telf ta' piż, telqa, u ħakk.
Drawwa popolari fost ċertu nies hi li 'jaħarqu'l-urina biex jaraw għandhomx dijabete. Filwaqt li zokkor fil-pipi’ vera jista' jindika dijabete, wieħed għandu jkun jaf li d-dijabete trid tkun laħqet għamlet ċertu ħsara fil-kliewi qabel ma jitfaċċa z-zokkor fl-urina.
Nafu li din il-kundizzjoni hija pjuttost komunif’Malta fejn nafu li hawn madwar 10% tal-popolazzjoni li jafu li għandhom id-dijabete, imma żgur li hemm oħrajn li ma jafux biha.   Huwa importanti li wieħed jagħraf li għandu din il-kundizzjoni biex jieħu l-mezzi biex jikkontrollha, li jinkludu xi tibdil fl-istil tal-ħajja bħal ikel u aktar attività fiżika u fejn hemm bżonn xi mediċina.  Fil-fatt mill-Health Interview Survey li sar fil-2008 kien hemm 6% tal-popolazzjoni li jieħdu mediċina għad-dijabete.
Din l-inizjattiva tal-lum,  li saretbil-koordinazzjoni tad-Dipartiment għall-Kura Primarja u tad-Dipartiment għall-Promozzjoni tas-Saħħa u Prevenzjoni tal-Mard għandha l-għan biex iżżid l-għarfien dwar din il-kundizzjoni.
Id-Dipartiment tal-Kura Primarja beda proġettpilota li jinvolvi professjonisti fil-kura sekondarja u GP’s.  Dan il-proġett ilu li beda għal dawn l-aħħar 14-il xahar, fejn qed naraw pazjenti fiċ-Ċentri tas-Saħħa tagħna jaħdmu ma’ tim multi dixxiplinarju li jinkludi General Practitioners b’interess fid-dijabete flimkien ma’ Diabetologist mill-Isptar Mater Dei.  F’dan il-programm, pazjent m’għandux għalfejn jattendi għal sessjonijiet regolari fl-Isptar Mater Dei għal follow up, imma huma referuti biss għal kura sekondarja f’każijiet fejn għandhom bżonn parir minn Diabetologist.  B’dan il-mod il-listi ta’ stennija biex jaraw speċjalisti f’dan id-dipartiment naqas u l-appuntamenti huma għal dawk il-każi biss fejn huma bżonn Konsulent.  Dan il-proġett qed isir fiċ-Ċentru tas-Saħħa tal-Gżira, u diġà saru l-ewwel studji fuq dan il-proġett. Il- HbA1c bħalissa jinsab fil-livell ta’ 6.5%, li jikkumpara tajjeb ma’ valuri internazzjonali.  Meta għamilna paragun ma’ tobba Irlandiżi sibna li r-riżultati huma simili.
Bħalissa qed ninstallaw software li hajillinkja s-sistema komputerizzata tal- Mater Dei ma’ dawk tal-Health Centres biex l-informazzjoni tal-pazjenti bid-dijabete jkunu jistgħu jinqraw f’post jew ieħor.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

Aktar Stqarrijiet Right arrow