Is-Segretarju Parlamentari Jason Azzopardi jindirizza seminar organizzat mill-K.N.P.D. “il-Kwalita’ tal-Ħajja tal-Persuni b’Diżabilita’ f’Malta”
pr1960
11/11/2009
| Is-Segretarju | Parlamentari fil-Ministeru tal-Finanzi, l-Ekonomija u Investiment, l-Onor Jason Azzopardi llum indirizza l-għeluq tas-seminar “Il-Kwalità tal-Ħajja tal-Persuni b’Diżabilità f’Malta – Xi Tweġibiet miċ-Ċensiment 2005”, organizzat mill-Kummissjoni Nazzjonali Persuni b’Diżabilita’ (KNPD). |
| Dan is-seminar | kellu l-għan li jippreżenta rapport li ħejjiet l-istess Kummissjoni li jitfa’ dawl fuq il-kwalità tal-ħajja ta’ persuni b’diżabilità f’pajjiżna skond kif joħroġ miċ-Ċensiment tal-2005 tal-Uffiċju Nazzjonali tal-Istatistika. |
| Jason Azzopardi | qal li ċ-Ċensiment tal-2005 fetaħ tieqa informattiva fuq il-qasam tal-persuni b’diżabilità, qasam li statistikament ftit huwa magħruf dwaru mad-dinja kollha. |
| Fiċ-Ċensiment | tal-2005 saret mistoqsija speċifika dwar il-qasam tal-persuni b’diżabilità li offriet sors enormi ta’ informazzjoni għal dan is-settur. Bħalma jiġri dejjem, din l-informazzjoni kellha tiġi organizzata u studjata. Dan seħħ bl-għajnuna tal-NSO stess, illi wettqet eżerċizzji flimkien mal-KNPD li wasslu għal font ta’ informazzjoni dwar il-kwalità tal-ħajja tal-Persuni b’Diżabilità. |
| Jason Azzopardi | qal li dan l-istudju għandu jwassal messaġġ importanti li l-issues tal-persuni b’diżabilità huma issues tal-pajjiż kollu, tal-poplu kollu. Mhumiex issues li tieħu ħsiebhom il-KNPD biss, jew il-Ministeru tal-Politika Socjali, jew il-volontarjat biss. Huma issues li jridu jiġu ndirizzati mill-entitajiet rispettivi tagħhom u għalhekk hu importanti li l-issues tal-persuni b’diżabilità ma jiġux segregati imma integrati għal riżultati dejjem aqwa. |
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en